You are currently viewing NUHOIH, NU MANPHA HIH SAWM NI.
Mawi Tombing

NUHOIH, NU MANPHA HIH SAWM NI.

3
(2)

NUHOIH, NU MANPHA HIH SAWM NI.

Mawi Tawmbing

Khatvei tei Numeite nu hidi ngen ihi uh. Pasal nei thei dia mi zi dia kuan thei a, mou hihna, nu hihna tangthei dia Pathian in bukim na hon piakna tung ah kipahthu i gen masa ahi.

Amasa in, Pasal i hon nei a, i neih akipan in,i nu hihna hong kipan pah hi. Nungak lai bang a hai omtheih hi nawnlou hi. Hihna mohpuakna neita i hi chih kitheih ngai hi. Lungsim pichin kipat hong poimoh ta hi. I pianna nulehpa kiang a, ki ngeksak a I om, hong bang thei nawnlou ahi chih i theih poimoh hi.

Nuhoih numanpha i hih theihna di’n amasa in Pathian akibulphuhna hoihtak neih masak poimoh hi. Nuhoih i hih theihna di’n, upen zi di leng i hi kha thei, unau tampi laka upen zite ana pichin ngai in, lungsim let ngai mahmah hi. Nauten asia apha hon tutna uh ahia, lungsim let mahmah ngai ding hi. Upen zi hong gi natlouh chiangin innpi belh taklou suak in poi mahmah hi.

Innsung nu hoihna leh manpha omna innsung nuam in thupi hi. Agah a chituh ah muh ding om hi. inkuan pihte adi’n anu apa a pasal adin nu muanhuai kipahna innsung nuamsaktu apan theih ahi. Nuhoih louh omna innsung ah muanna kipahna omlou hi. Agah ahoihna chituh te innsung mite a din na mahmah in lungkhamna leh khasiatna innsung hong himai mah hi. Nuhoih leh nuhoih lou kal ki gamla mahmah hi.

Innkuan sung hoihna di’n Nuhoih poimoh masa hi. Ei hoih photle innsung i kepna akipan in, i taten sinlai alak theih ding un, i hoih poimoh masa hi. Ei akipan a, i taten hon en ton theih ding ua, i chituh i gah amuh di uh poimoh hi.

Nuhoih nu manpha i hong hih khit chiah, i tanute laka chihoih tuh di nuhoih numanpha alut na te adia moumanpha nuhoih ahih theih na ua chil di thuhoih hilh di ahi itanute ihilh zoh chia i moute itna toh thuhilhin ana chil le kuamah hong se teitei di ua gintak huailou ahi. En mou hoih i deih bang in i tanute le hoih din thuhilh le insung siatna omlou ding hi. Eitung a hoih i deih bangin mite tung ale hoih deihsak chiat le i gam I innsung i khotang hong hoih mai ding hi.

I gam in Nuhoih nu manpha poimoh lua hi.I innsung siat kipatna Nuhoih lou tampi te ziak ahi poilua hi i nu i pa adi’n i pasal adi’n i sanggamte adi’n Nu muanhuai Nu manpha kipah na nu hih sawm chiatni. Nu hong hizel di te hileh ahi sa te ahi lellel te kibawl thakni. Nuhoih leh manpha hi di’n panla thak chiatni.

Simtute Toupa’n hon vualzawl chiat hen.

How useful was this post?

Click on a star to rate it!

Average rating 3 / 5. Vote count: 2

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply