You are currently viewing PALM SUNDAY LEH HETDAWLO HUKDAMPA MITTUI
GL.Muan Neitham

PALM SUNDAY LEH HETDAWLO HUKDAMPA MITTUI

0
(0)

*🌴🌴PALM SUNDAY LEH HETDAWLO HUKDAMPA MITTUI🌴*

*Mr GL Muana Neitham*

*BIBLE SIM DING:*
*Mark 11:1-10, Isaiah 50:4-7, Psalm 22,Philippians 2:2-11,Mark14:1-15:47*

*📖A jing ah chun Kûtna hung mipi tam takte chun, Jerusalem ah Jesu a hung hi, ti a hun he tau a. Tichun, tûmbâkte a lau ah, Jesu lamtua dingin a chiau ah, a hung kiko ua: “Hosanna! Lalpa min ah hung, Israelte Lengpa chu a hampha na e!” a tiu a. Jesu’n sabiltungno a mu’n a chung ah a chuang a: “Lau kin, Zion chanu! En in la Lal chu, sabiltungno chung ah chuang in a hung hi,” ti kizik gual khan☦️*
JOHAN 12:12‭-‬15

*Jerusalem a hun nai ma ma phat un, khawpi chu a vak en ah, a kâkhum ta’n: “La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in. Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in. Pathian in a hung kanthâk lai hun la het lo ziak un la huap sung ah la chate, nangma tawh leitual jepna’n hun mang intiu in; la huap sung ah suang kitiang him himle khêk pua’n au,” a tia*
LUKA 19:41‭-‬44

*PALM SUNDAY kiti hi ei pau a gen leng TÛM PATHIANNI ahi mai hi. Het nuam zaw ding in chu Tûmbak ahiloleh Tûmna Pathianni ti leng dik zawh le akilom e*

*Jesu Sabiltung chung a chuang in, Jerusalem khawpi lam ahung manaw phat ua chun mipite chu kipak le thamuan takin a puansil teu septha in, tumbak chawi in limtakin in Leng welcome na in,kiko in tang asam un ahi. Leng, Israelte Leng ding, Israelte melmate khutnuai apat,Romans thuneina apat ei hukdawk ding,Romans thuneina suchimit ding a ei hukdam ding pa MESSIAH chu ahung hi, tuhin ei hukdawk tahen,tuhin ei hukdam tahen tin mipite chun kinepna tawp khawk nei in, kipak takin aki ko un ahi* *HOSANNA tichu tun ei hukdam in, ei hukdawk in tina ahi*

*Zawlnei masa Zechariah leh Danial ten ala genlawknau guitungna ahi tile Israel mipite ten a hemillo uh ahi* *Jesu chu kua ahi em tichu ahenau in hinla bang bawl leh bang sem ding a hung ahi vang a ngaisaklo uh ahi*

*HOSANNA HOSANNA HOSANNA ti’n !*

*Palm sunday thu hi chanchinpha Mathai,Marka, Luka leh Johan zik in a chuang vek hi. PALM SUNDAY ni apat hin, Hun sawtlo cha in, Hukdampa Leng, a MESSIAH uh JESU chu sualna tawpkhawk bawl a ngawh in, mat in hung um intin, Khraws a khailup in, nithum ni in Lopitak in tho kit ding ahi*

*Palm sunday ni,Jesu lopitak a Jerusalem alutni hi lungthim kipak tak leh taitak a lawp taâk mama khat chu ahi. Khenkhat ngaidan a chun Jesu Jerusalem a lut hi, a lalna , ahangsanna, Lal ahina dik tak, a dodaltu tamtak umzing maleu show ahi tilam a ngaitua Pawl bang a um un ahi*

*Hinla Jesu chu a thuneina, Lalna leh lopina show ding a hung hilo ahi. Amite ama suante hukdam ding a hung ahin, ama miten ala hepuau in, ala nawl un ahi*

*Jesu Jerusalem khawpi, Sabiltung chung ah chuang a alut hun hi, Chiakan kut kipat ding kuan cha ahitan. Zia hun ahin Israelte ten kumsin in chiakan kut amang sek un ahi. Khawpi chu a lun sek mama in, Rom Sepaite le zia hun ahin tamtak khawpi veng ding in sawllut ahisek un ahi. Roman thuneina dodal a ,hel bawl um ding veng zing kawm in duty a paw zing un ahi*

*Jesu Jerusalem lutna, anung lam leh amalam a mipi kiko te chu naupangte leh mi vantang te ngen ahiu hi. Tulai pau a gen leng a escorts te, a security te chu muan umlo mama ahi. Kidona thal le chem te chawilo in, tumbak le tumna te chawi in, a Messiah uh pak in a chawihoi uh ahi. Rom sepaite ading in vang chu nuizat um intin chuleh lauthong le um mama lo ding chu ahi him ui maw*

*Jesu chu leng bangcheng chung a thunei, zaidam leh hepina dim, Lazar thisa than apat kaidawk kitpa, khawvel leng leh lalte gual ahi puan, Leng ki ngainiam, mipi nasem ding leh amite ading a thichan hial thuak zo, hepina nei leng mak le lamdang chu JESU ahi*

*Palm sunday ni hin mitam tak ten ila hetmil uh leh limsak kham i saklo uh chu Jesu kâna hi ahi. Lalpa Jesu kâna hi thu maimai ahi puai. Mipi kipak a kiko leh ei hukdam tahen tia kiko a, Israelte Lal ahung tai ti a kiko a, sabiltung chung a kichu, anung leh ama lam a mipi kiko thawng kha Jesu kipakna ahi puai. Jesu lunggil ana ahi, puaknat mama anei hi*

*Chiakan kut hun hi mipi tamtak te leh gam mapuite chun Aigupta thunuai ah suak le sal a atang lai uh geeldawk zing kawm in, Rome thuneina leh awpkhumna nuai ah a um zing uh chu hak asaknau leh akhawp mama nau ahung uang deu hun chu ahisek hi. Zawlnei ten ala genlawk uh Messiah, Israelte hukdawk a, zalenna pe ding pa chu angakla mamau un,ala thiil zing un ahi*

*Zia amau kinepna leh angakla mamau MESSIAH chu Khawvel leng le Lal te gual hilo in, Lenggam chuam, thagaulam hukdampa, Messiah chu la ahi ngal a*

*Israelte khawvel lam lungthim leh a kinepnau chu, Jesu’n vang a muchian nalom lom ding e maw*

*Sakhua lam ah hotute chun zia mipite kiko ah, tang asap nau chu,Rome dodalna leh Rom sepaite tawh kinawk tuana ahung um khak ding chu alau mamau hi. Chun amau chu Jesu zilsaknate dodaltu le ahi zing un ahi. Mipiten Jesu ahung zui ua, sakhua hotute thuneina tihaw ahung bei khak ding le alau mama un ahi.Tichun Jesu kiang in, la nungzuite haw hi gai in, thipsak in ati tau hi. Leng, hukdampa, Messiah ahung tiu hi gensak takin tichu atup pen uh chu ahi* *Hinla Pathian hina vang mekmit thei ahi puai. Khawvel in do in sukchimit gua maleh Jesu leh a Kochuam vang mit ni um talo ding ahi* *Nang leh kei panglo inle Pathian chu a lopina bei chuam lo ding ahi*

*Jesu Jerusalem khawpi alut madeu ua gal apat khawpi chu en in…Thasiat umsa in hepitak in a kap ta ahi*

*Mipite ten MESSIAH apat, taksa le khawvel thil lam ah akinepnau leh a lunggulnau chu suk butin/suk pitin saklo ding ahi tichu Lalpa Jesu chun ahe zing a, amau kinepna chu khawvel thil ahin, zia khawvel thil a zalenna a dawi leh kinep ziak un gal hung um intin, hun sawtlo cha JERUSALEM khawpi suk chimit ah a umding chu Jesu’n a mulawk in thavai um asa mama hi*

*Mipiten Jesu ah tup leh ngim leh akinepnau chu amau khawvel thil lam nawpsakna ding leh zalennna ding bep ahin. Messiah dik tak a pawm malak salak sangin, sual gilopen ah ngaw in Kraws ah khailum ding ahiu tichu Jesu’n amulawk mama hi*

*Awle Unau,Tuni hin Jesu ah bang kinepna la nei em? Nang agenda Jesu’n hung suk buting sak leh lati te chu bang bang ahi em?*

*Kipak le hinkhua nuam takin ei mat sak zing le lati em?*

*Unau vak ki ngaitua pha in, La khawvel hinkhua leh kipakna; diklo taka sumhawlna leh muna te, nek guk chakguk leh gawlguk a sumhawlna leh nasepna chawk tite, chaponate, mani phatawk kisaknate, zawntatna le thanghuainate Zosia paitha in JESU nang Lal leh Hukdampa ding in laki saan maita diam?*

*Nang dawigual Lalgam a nuam tak a um a, hinkhua mat zing tawh Pathian lal gam, Jesu”n a thisan ah achawksa hitawh a kituak na diam?*

*Setan lalgam tawh Jesu Lalgam khawizawk latel diam?*

*NANG A DING IN JESU BANG AHI EM?*

 

*☦️KHRISTA LALPE’N SEPAITE ☦️*

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply