PATHIAN IN HUN HOIH HON PIAK MANPHA TAK IN ZANG NI
Mawi Tombing

PATHIAN IN HUN HOIH HON PIAK MANPHA TAK IN ZANG NI

0
(0)

PATHIAN IN HUN HOIH HON PIAK MANPHA TAK IN ZANG NI
_✍️ Mawi Tombing_

Pathian in i khelhna bangbang a hon thuk pahpah hileh a dam ding kuamah i om nawn kei ding uhi. I tung ah migi in lungnel tak leh dohzou takin a hon enkawl in, Amah lam a kisika i kik theihna ding in hun hoih hon pelai hi .
.
Bangchituk a khiala mawhte leng kisik a Toupa kiang zuante a hon ngaidam hi. Amah hon sehna sawlna a pailou a mahni utna lampi izuihlai in le’ng a dohzohna toh hon na kem hi. Tualthat in angkawm in khelhna bang zahta ana hihkhial mah le’ hang Toupa tung a thil hihkhial ka hi chih kithei a, Pathian lam kisikna toh naihna a zangtheite Toupa’n kipahpih hi. Tuabang azuan mite ahi Toupa’n a ngaihdam leh a itte..

Toupa kiang ah kipethak in, amai ah hoihna khat leng neilou leh alungtang sunatu i hihlai a le’ sihna akipan a hon tankhia ittakloute hon ittu amah Pathian takkia ahi. Tuni tan dong a vualjawlna i tan ding a kilawmlou toh hon vuk a, amah lam a kiheia kisik ding ahon deih luat manin hun hoih hiaitan hon pelai hi. Hun hoih piaka i omlai in manpha takin zang chiat ni .
.
_”Toupa aw na mitmut in ka na khial zouta, na hon bawlna, deihna leh sehnate zuilou in ka na omta namai ah kong kipekhia hi”_ chi’n thupha i toi ding uh aw.. Toupa aw na maipha mu tak hilou napi’n second chance nong piaklai man in kipahthu kon gen hi. Tuni a kipat in ka hun neih laite nangmah deihna bang leh nangmah min thupina a ka zattheihna ding in na mai ah kong kipekhia hi….. i chih theina ding a Toupa’n i hinna hiaitan hon hoisak hikha ding hi. Unau kingaihtuah hun law mahmah ahi. I Toupa’n nang leh kei hon it luat ziak lel a hun hon hih sausak ahi lel hi.. Sanggam a lauhhuai pen tuh maw….. Covid a sih lauhsang in piangthak lou a sih khak ding lauhpen in inei uh aw unau….
.
Toupa’n amah lama kihei theihna ding a hun hoih hon piak laite amah lam naihna a zang thei chiat ding in simtute hon vualzawl chiat hen aw..🙏🙏🙏

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply