Pathian mai ah a kisathei ding om kei hang! ✍️ Mawi Tombing
Mawi Tombing

Pathian mai ah a kisathei ding om kei hang! ✍️ Mawi Tombing

0
(0)

Pathian mai ah a kisathei ding om kei hang!
✍️ Mawi Tombing

Bangmah lou petmah i hih laia itna toh hon zong khetu Toupa phatni. Amah zonglou a, ngaihsaklou a utna lam chiata i omsan laia leng dohzohna toh lainatna a hon kemtu Toupa’ ahi chih phokthak ni.

Unaute i tunga a hoihnate ngaihtuah mah dih Toupa mai a kisathei tak leh kiliansak taka pau di i omlouh dan i hinnate ei khut a om hilou ahi. Pathian khut muanhuai a i hinna hon kepbit sak ahi. Nang leh kei thu neihna ahi kei, zan tawldamna hun nuam takte innkuan kim a hon lupsak a, jingthoh hun in innkuan kim a thoh nawn louh theih ahi chih ngaihtuah dih….. bangmah i hihtheih a omlouh dan. Toupa thu ahi thupi kisa a thilhihthei khong i kisak khak di lauhhuai lua hi….kivel thakni.

Toupa mai a i hoihna pen le puanse kihhuai bang phet ihi. Hoihna himhim neilou i hih laia leng hiai tana honpi a, hiai tan a hon damsak a, hiai tan a hon domsangtu kuamah dang hilou in Pathian ahi chih thei thak ni ….

Sanggam Toupa mai a kisathei a paungam ding om kei hang. I heutu hihna in le’ vangam hon tun kei dia, i pilna i siamna in leng vangam hon tunpih lou ding hi. Khovel a ineih leh lam in le vangam ahon tunpih tuan kei ding hi. Daikil kala tagah phokphak louhte ziak khong a i gam dam lel hi kha ding hi. Pathian hehpihna jiak lel a siamtan saka hotdam hilel ihi. Ei hihtheih omlou, kiliansak a pau phanphanna di omlou hi… Unau!

Group innkuante Toupa kha in, kipak tak leh lungnuam tak in hon ompih chiat hen. Hunzat nuam ni.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply