PILNA TUAN TING EI PIA’N

PILNA TUAN TING EI PIA’N

0
(0)

PILNA TUAN TING EI PIA’N

Pathian thilsiam te zosia hi Eden sual na um apat chiadan, mudan, ngaidan, pawmdan leh zui kichian um thei tak tak ta lo abang hi. Sakhua kipuidan, khawtang kiveidan, thu leh la thusuak (socio- politics) chiadan masa leh tu leh tu ah khawvel chiazel dan hih sut in, Lalpa pawmtak mawng mudi um thei ta lo ahem? ti thei dinmun in I um zo tau a hi.

Zia a chung ah thu lawm te apat tekak na kahun siam ah, “Bumtu” setan, Lucifer itiu hi muthei setan, Pathian thilsiam migilo mawng mawng hizawlo in leisiat mihiam masa Adam kisiam na leivut, Pathian in hinna a piak zaw nung ah mihing hung chang mai ahi. Zia tak ah kagen nawp chuh ahileh thil bawl theina nei: hui, thigua, hat petu kikal ah buai na leh kihiatthiamlo na te ziak in, ki lang pan na leh ki do na mai in ka hia ahi.

Zia thu ahin, ngaidan leh pawmdan tamtak um thei maleh Pathian I ginna’u leh I ki timatna’u hi ei khen thei um in ka he lo ahi. Zia kitimatna leh kizawpna hi Pathian leh a thilsiam te kimatna ahi.

Siamtu’n a siamte sang in, a mi siam te leh thildang a siam te’n, a siamtu pen uh chung ah bangkim akingak sang’u chun taksa lam ah nek leh chak, ahiatna’u tam thei na ding leh pilzawk semna ding ah ha ngaitua leh pi bawl ziak un, siamtu hi hiatmil pai in I hung um tau ahi.

Chutiachuh, ding ihi tak ziak un taksa dan leh thagau dan te hi khen thiam in hinkhua mang thei leu hin I lei mihiam hina lamdik ah kalsuanna um thei ding ahi. Ziakachun, tangchung ah Sakhi dangchak ham ngawi ngawi, Tuiva thalek ah dangchak leh Simbu khawlui mi chen tak lo nung ah thawmhau leh dangchak ngawi ngawi gual in, thilsiam te hi Siamtu ngai in thum leu hin khawvel hi Ngunkhamtual khawpi chu hung hi mai ding chu ahi. Zia gual ah thudik leh kisikna lampi haw theina ding in, pilna leh zaw theina ding ah hatna chuh ei pia ngei ding in bangkim siam tu leh guanggal tu chun, chatuan lemguatna chuh ei pia chiat ta hen! Hallelujah Amen.

@ KL MUAN

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply