PITINNA DIN KUMTIAM A UM PUAI
KL.Muana Social Worker

PITINNA DIN KUMTIAM A UM PUAI

0
(0)

PITINNA DIN KUMTIAM A UM PUAI

Khawvel ah mihiam pianphung ah kumsim dan in government siam kum 18 chung lam piting ah kawi ahi. Sakhua lam in vak gen leng Kochuam te’n member piting ah laklut dan hih a chuam chiat hiding in kakawi hi. Ahinlah, a tangpi in chiadan kigualna pen ah I la matsek uh government kumsim dan kizui ahi. Zia gual machun, khawtang vaihawmna leh politics inle government kumsim dan tangpi aki zui hi.

Zia gual mabawk achun, I thingtangpa chawndan in khua aki sat ah Hausapu akinei hi. Thingtangmi lak inle ei Zomi/ Kuki te’n Hausapu ding te chuh mihing pianken ah kum piting ahi masia thisan ah aki naipi pen pen Khua ngak/ care-taker ah kawi sek ahi. I vak gennawp chuh thildang tampi gending um maleh government kumsim dan tawh kituak ah kalkikim ah chiakhawm zing thei ahi puai. Kumsim in piting himaleh lungthim leh ngaituana piting lo chu ngaidan chuam khat a um thei nalai hi. Ziakachun, ei thingtangpa chawndan in government ngai ah piting hisuak maleu hin zui thei lo na mun tamtak a um hi.

Ahinla, tulai khawvel dinmun ah khantona; thiamna leh pilna sang ma ma ta ngal, kumting ta ngal maleh khawtang leh government ah piting tak ah khantona um thei ma ma lo hih ngaitua khamtak chuh ahi. Zia gual hih I dinmun uh ahizing lai in I ngaitua nau ah um ding ah phachuam ding ah ka ngaitua chuh ahileh khawitak a hih adiklo, sukdik ngai um ahi diam? ti hih ngaitua kham ting in gel chiat ta leu hin ut a um mama hi.

Zia a chung ah kigen te hin lungthim ah ngai pawimaw na a um hi. Zia gual pawimaw tak mai I mihiam hinkhua leh khawtang piting tak ah khantona um theina ding in, khanglui leh khangthak kikal ah gap (distance) um ah kilang pen hi suktuak leh leptuak ding um in ka ngai hi. Zia kikal zawpmat dan leh khuimat dan I thiam lo chun pi leh pu te’n ala gensek uh, khang basam hung hi thei ahidan hiatmillo pha kasa ahi. Zia chuh ahiziak in, ngaituana chiim tak mai mang in khankhua kitup tak zui zing kawm in, khang ki basam lo na di’n kituikailak tua chiat thei ding in khawtang leh thagau hinkhua ah panthak lak ahichun pitinna duthusam um tak leh khantona hawizaw um ngei ding ahi.

Ziakachun, ei uh a ding in taksa leh thagau ah pitinna chuh government kumsim dan khello inle nasep thei ahi. Kisiamphat theina tawh hinkhua mang ah kalsuan leu pitinna ding ah kum tiam um chuam lo ding in ngaituana liantak mai a um hi.

 

@ KL MUAN

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply