PUPA GO KEPBIT THEI NA CHIKHAT UMSUN

PUPA GO KEPBIT THEI NA CHIKHAT UMSUN

0
(0)

PUPA GO KEPBIT THEI NA CHIKHAT UMSUN

Autonomous District Council hi British te India gam ah a um lai ua a vaihawmna khutsuak uh ahi. Zia hi northeast India bep ah tribal te a ding ah ala siam uh ahi. Phaigam tawh thingtanggam ah mi te khantona kibatlo ziak ah British in tribal te humbitna ding leh etkawlna na ding ah ala mat uh ahi. British te northeast India ahung lut un tribal te hi humbit ngai leh dawpkang ngai ti ziak in phaigam leh thingtanggam ki etkawlna chuam gel hiding in vaihawmna tamveipi ala neisek ui. Zia dinga chun thingtanggam ah inner line regulation, excluded areas ti te mangcha’n administration ala chia to hi. India in independent muzaw nung in India vaihawmna Inpi ah northeast thingtangmite dinmun ding in Autonomous District Council in ahun siam dawk ui.

ADC hih state dang ah sixth schedule provision nuai ah um ahi. Ziakachun, zia provision nuai ah um tribal te haw chuh lungmuan theina tawk bangchan hem tawh akhawsa’u hi. Manipur hill areas chuh ADC um maleh local adjustment ah function sak ahi. Sixth schedule ahitheilo ziak aziak tampi um te lak in hiat bailam ding in, tribal MLA seat zat in Assembly House ah majority vote, voice neizaw lo ziak chuleh tribal unity a ding ah common agenda um theilo ziak ahi deu tangpi hi. Chun, thingtang mite pil masang ah tribal te humbitna ding ah provision um phawt chu Imphal government in dan thiam thei tak ah manipulate a bawl ziak uh ahi. Ziakachun, ADC hi Imphal government nuai in state dang te provision um gual ah Imphal government in ei pia lo phawt chuh ahi. Bang thupukna um ziang sek maleh sixth schedule provision ei ki piak lo na te ziak ahileh MLA/ minister post a ding ah Imphal government khut ah gin umna thutiam um sek ziak le pawimaw tak pakhat hiding ahi. Sixth schedule provision hin nam mawl leh kituaklo te ngailo dan ahi. Ziakachun, mipi palai/ representative te’n gam leh nam siampha kawm ah Assembly House ah a tangkopi ngam uh ngai ahi. Tribal te hi a nam nam in khenzak in um ziang maleh common problem solution na ding in political higher status zia chuh autonomy tak tak khah I mipi palai te’n dinpi chiat leu chuh Indian political administration nuai ah muanna um ding ahi. Zia chuh Indian Constitution nuai ah kum 100 ting vangta ila um nau ahin igam leh gua humbitna ding ah lampi umsun chuh ahi.

Zomi te’n state nei nailo ihina ah nam lianzaw leh sakhua chuam chuam kitawn khawmpi theilo te tawh chengkhawm ihi ziak un MLA/ MP nei chuh pawimaw maleh a ground tak tak ah kihumbitna ding leh igam I chan lo na ding in ADC hih sixth schedule provision ah umsak tei ding chuh political survival a ding ah first step hipan ding ahi. Zia ding achun, maban puitu/ leader kitup, lungthim leh nasep ah nam khenlo mi, mani lungput ah nam puilo mi te khangthak lak ah ahung tam zel ahichun Zomi political survival chu tha leh zung I piakkhawm dungzui ah movement piting sutzawp zel hiding ahi.

Ziakachun, khangthak te’n nam ah min puitu gin um tak tak kum bangzat hem ala pangte keng nung zuidan thiam pawimaw takzet ahi. Chi leh nam kikhenna ding ah politics chuh piting ngailo ahi hezing kawm ah politics piting tak ah khawvel technology, development um dungzui ah Zomi movement hih international leh national tiang ah dinpi thei ding ah panlak ngai thak thak ahi. Be leh phung, pau leh ham, nam bing politics kikhenna te haw taisan ah tribal survival in lungput nei leu hin maban ah politics ah dinmun sangzaw kinep a um mama hi.

By: KL MUAN

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply