You are currently viewing SIAL LUT NUNG AH SIALDAI KAAL

SIAL LUT NUNG AH SIALDAI KAAL

0
(0)

🐃SIAL LUT NUNG AH SIALDAI KAAL🦬

Aziktu: Pu Ginlalthuam
Lalgin Inn
Mualngat Innpi
Khualzinna Gam
(Land of pilgrimage)
🙉🐴🦉🦅🐘🙊

🙏Lalpa Pathian venbitna tawh simtute zosia la bawn un damna Chibai 🤝

Upate kampau( paunak) ei thingtangpa’n imat dan in, ” SIAL LUT NUNG AH SIALDAI KAAL”, kitihih tuni chan in pau tamtak in ahung kimang tou pek ah, a hung kimat patna pen ahileh French collection 1190 kum, Middle English manusript Dauce MS 1350 ding vel in ahung kimang panta ahi. Zia kipat chun khawvel ah aban ban in ahung kimang toupek hi. English te matdan; ” TO LOCK THE STABLE WHEN THE STEED IS STOLEN” “SAKAWL KIGUK MANG NUNG AH SAKAWL INN KAWT KI KAM” tihi, pauchuam chuam chuleh matdan le chuam chiat, ei thingtangpa’n sial ilavul ziakun SIAL in imang ah English ten sakawl avul ziakun SAKAWL in amangun chuleh paudang dang inle achuam chiat himaleh tup leh ngim kibang, upate thupil(paunak) hih ka neulai in ei thingtangpa thupil ding dan in kala kawi ah maleh achung ah igen gual ahin khawvel ah namtin/pautin ah ala kimang, ngaitua khamtak thupil kigen sek chuh ahi.
Mihiamte hindan chuleh khawsak dan hin; thil him him hih akikhel nungtak leh a ki kihedawk bep sek ahi.
Etsakna’n, innsung ah gucha’n van/ thil ahung guk phat takleh hitin, khatin ala kibawl/ala ki umtaleh aw tiin, kisik ngawi2 changbang aum khasek hi. Chuleh nasem thilbawlte leh lekha sim (zillai te ) din, tunung ah kisiklo na ding in zia thupil (paunak)kigen hih hiat a pawimaw khat chuh hileh a kilawm ahi.
Sapte thupil khat: ” Experience is the mistake we commit” atin, zia hiatthiamna nei kitichuh adiklo tam tak ala bawldik tate i hiattheina ahin, ziakachun, innsung leh namsung ah; hun ala liamtasa(Past glory) gending tamtak, asia hin, apha hitaleh inei chiat uh ahi. Zia chuh sudik guachiat leu hin,
khang masa, ipu leh ipateu khang apat kihiatthiam lona, sukkhial leh bawlkhialnate tu khang, kitaisiakna khang tiang ah i puakdaw veu sek uhin nampi khantouna ding daltu khat ahi thei hi.
Lalpa Pathian in lei mihiamte hih anam nam ah khawsa/ kivaipua ding ah eisiamte hihiu in diktatna,kilungsiatna, kihepina, kithumatna, kizatuana chuleh kipumkhatna te hih i taksap khat uh ahi tadia aw….! MP/ MLA ziangle kineizo kik talo maw ?
Pathian in mihiam khat ah ei siam ngal ahi chun, tuan-a-tâng ah sukkhial bawlkhial aumlo thei puai himaleh ngaidam thupha kichawitua chiat in kigensiat, kithangthip, kimuda chuleh phung leh chang ah kibung khennate chawlsan haisan guachiat hitiu in, inam vanglai adin titawh pumkhat, sakhat, namkhat, chuunnu lungsiatna laigil ah laigui khaukhat kizawm, suapi u leh nau, phungkhat hihna’n kithutuakin, chuleh namkhat hihnan le kipumkhat takin umleu hin, khantou na hizawlo ding ahem ? Mizat, sazat bawn kiphanailo ah kikhen sawn sawn nalai ding ihiu em ?
Aw….! Kalawm, kagual dawi um leh suan um tak te….Namkhat kihih ngal ah minung del del ziang hi, tuni ithupiu ” SIALLUT NUNG AH SIALDAI KAAL”, gual hih sang in, kei hih ka hi, keima ma hi ka hi e, ka innsung, ka khawsung leh ka namsung khanmawbawk hih……keima ka hi, tithei chiat leu hin innsung chuleh inamsung uhi khangtou mailo ding ahem ? Sial lut nung ah sialdai kaal kiti hih bawllo ham guachiat leu hin mihingte hinkhaw ah apha pen chuh himailo ding a hem ? Chuleh, ziaziakahin namdangten, agukcha ei la ma khel seknau chuh; upate thupil kigen sek chuh ahin, apha chuam puai, aphachuam tapuai….”SIAL LUT NUNG AH SIALDAI KAAL” bawllo dingin ” SIAL LUT MASANG AH SIALDAI KAAL” thei chiat dingin awle….!
🙉🐘🐂🐃🦬🐴🙊

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply