Sub-Contractor Association, Churachandpur(SCAC) in National highway bawl na chawlsak
Latest News

Sub-Contractor Association, Churachandpur(SCAC) in National highway bawl na chawlsak

0
(0)

19th Jan 2021 | Get In Lamka

Dr. Kh. Jelen,M.D.(AIIMS),D.M.(AIIMS),Chief Cardiology, 15 yrs experienced in Interventional Cardiology, Consultant, Apollo Hospital and Imphal Heart Institute

Sub-Contractor Association, Churachandpur(SCAC) in Lamjang apat churachandpur kikah lamlien kehlet na natoh anei nau va tuni chan a Bill amulou na chung uvah tuni January nisim 18 nilhah nidan 1 chun thusuo mi ho akimu pi uvin ahi. NH102 (B) Lamjang apat Churachandpur lamlien 2 lane a kehlet na ding a natoh na hi RSM Infra Project leh Kanglasa Construction & Supply company ho noiya um ahi.

Hijeng jong le Company hon Manchah kininglhing aneilou jeh uvin, Churachandpur Sub-Contractor Association ho kithopi na in lamlien kehlet na natoh ahin pan uvin ahi. Hijeng jongle Sub-Contractor Assocition Churachandpur in lha 3 sung na ahin tohjou nung uvin, anatoh nau atamjo ajou taovin Company akon in khatvei cha jong Bill ape pouvin ahi. Lamlien kehlet na ding a Company ho rate siem dan leh Sub-Contractor ho rate siem dan ah ngaidan akibah lou jeh in Addl Deputy Commisioner jao na in kihoukhom na umjong leh kithulhut na anei theipou vin ahi.

RSM Infra Project leh Kanglasa Contruction & Supply company in kinoptuo na ana kibol masa ho khatcha abojui pouvin, Sub-Contractor ho joule-nal in alhem jing uvin, Company in natoh man cubic meter a cheng 120 hisap a natoh man jouse apehdoh takah tuni january nisim 18 apat phattep umlou va natoh na kicholsan ding ahi tin thuphon anei uvin ahi. Hiche toh kilhon chun NH102 (B) Lamjang leh Churachandpur kikah a lamlien kisem na mun jouse vetlhah na aneiuvin, natong ho jouse kom ah anatoh nao haisan ding tepna leh hetsah na anei uvin ahi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply