SUNDAY SERMON | INNSUNG KHU KIPAHNA MUN AHI DING AHI

SUNDAY SERMON | INNSUNG KHU KIPAHNA MUN AHI DING AHI

0
(0)

*SUNDAY SERMON*

*INNSUNG KHU KIPAHNA MUN AHI DING AHI*

*Pastor M. Thangboi Zou*

*Tangtel: Unaute kituo dildiel a umkhawm anah hoiin nuom hina va-ia e (Late 133:1)*.

I mizieh uh hoi-le-hoilou khu i innsung ua kipat a i khankhietpi uh ahi hi. *George Moore* in, *“Mite’n limmna leh kipahna suiin a innsung uh nuasie in munchin ah suisui nan u’lezong atawp ah, a innsung angtun tahtah chiengin kipahna tahtah amu giep ding uhi”* achi hi. Tualeh *Samuel Johnson in, “Na innsung ah kipah in, mundang a limna leh kipahna khu abukim sih a, innsung a limna leh kipahna bou khu sil loupi ahi”* achi hi.

Luk 15: 11-24 na sung ah, *“Tapa taimangpa tanchin”* i mu hi. Tapa taimangpa zong a pa akipat agou ding sum-le-pai teng lakhia in mundang a kipahna leh lungnopna suidin akuon a nanleh a mu zou die sih hi. Voh ann kuong bul a ahing up in apa inn a kipahna bukim um ahidan ahing thei khe thou thou hi. Mundang a nopsa nan leh sawt dailou hi, apa inn a hingtun in kipahna bukim mupan hi.

Building inn hoipipi nei a, neh-le-dawn a tui theipen neh a, gari hoipen i nei a, nanleh i tate’n i inn sang a mundang a nopsahna leh kipahna asuizaw uleh, ki-etpha ngai mama ding ahi. I sum muna dihlou zong hithei ding ahi. Innhoi in kipahna bukim hingpe theilou in, kipahna bukim muthei na din tua innsung a teng ten Pasian athei uleh, tuamin innsung mite adin kipahna bukim hi pan ding hi. Ahileh nang mihausapa/ nu aw, na tate’n na innsung ah kipahna bukim anei thei uai? Kigel in. amulou uah kholai leh mundang a asui uleh avaigen man na innsung a na taten kipahna bukim amu/atantheina din kipan in, sil dang dang a na sum siellou bangin, na tate’n na innsunga kipahna amutheina din na sum siel vawtsin, sum leh nei-le-gou sangin na TATE manphazaw hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply