THIMTHU LE ZAILA GROUP  KHAMTANG LANU By- William Lhonga Madrid. ( 8731974334)  (PART-4)

THIMTHU LE ZAILA GROUP KHAMTANG LANU By- William Lhonga Madrid. ( 8731974334) (PART-4)

0
(0)

THIMTHU LE ZAILA GROUP

KHAMTANG LANU
By- William Lhonga Madrid.
( 8731974334)

(PART-4)

An kaneh jou uvin,kapi le kapu komma “nangni ol ollin hung lhontan, Kimneo toh kei ana che ingting,cha ana om lhon inge” katin, Kimneo toh loulang jonnin kache lhontan ahi.

Jao lampi a Kimneo vin kakomma ahin seijin
Kimneo- Uthangcha janhi nilhah a,ibolla kholaija nahung lou hitam? nahung dingham kiti a,naki ngah2 jenga eitin,kenjong kadonbut in
Kei- Nangin neikou lou jeh achu,kakiphat lamma kahung lou ahi e.
Kimneo- Kakou hai hi chuo. Kakou lou jeh a,nahung lou na?
Kei- Min a inna kholai leng dinga jong eikou nom louva,kiphatlam sah a ipi jong gaki bolding ham?
Kimneo- Kate uthangcha, nangvang na pasal mo valle.
Kei- Nao kei kahung lou vanga,gollhang dang tampi hung chula katile einoh in,thipchet in aumtan ahi. Einoh jeh a athipchet ahichu kahet phat in kenjong
Kei- Nao lunghang hih o. Nalunghan le namel hoina alangdoh jou hih e.Tunilhah le kahung ding ahi katile ahung nuijin,kajah a
Kimneo- Keibon kihoi lou. Hibang nungah hoi atamma eitin,chuin kenjong kadonbut in
Kei- Kenvang nangbou hoi kahin sa penne. Lipstick eyebrow make-up jatchom2 manga kijem hoi hosangin, ei thinglhang chonna chon, KHAMTANG LANU nang kahin ngaisang penne.
Kimneo- Kihoi hih jongle nahoije tia neihin pachat jeh in, kakipah e. Uthangcha kenjong nangbou kahin ngaisang penne.
Hitichun kaki houlim lim honnin ahile chomlou kah in,lou kaga lhung hontan ahi. Chuin kei twi khaijin kache in, Kimneo vin mei ana tih in,kahung lhunnin, cha kahom lhontan ahi.

Chomkhat jouvin kapu te jong ahung vailhung tao un,chuin cha kadon uvin, ma kapang pai tao un ahi. Kapupan Kimneo adaijin, Kimneo jah a
Kapu- Kimneo na uthangcha akholang uva akile phatle, anung jui ngap ta o.
Kimneo- Kijui hen kiti a, uthangcha in eipui nomlou hihi.
Kapu- Na uthangcha chunla kei komma, nangchu kipuiding katile ada e ati in, nangin hitichun nasei kit in.
Kimneo- Hepu, amonga uthangcha te kho hi namu khah em?
Kapu- Kamu khah ngei hih dingham? anop dan2 chu aseije jang umlou ahi. Koiham khatpa thusei kitho le “Vangam tobang ahi😂. Na uthangcha nung juile chun, Esther lengnu tobang nahi ding ahi😁.
Kimneo- Kapu dup ji dan2 hio,Vangam tobang hahaha. Ka uthangcha nung juileng,iki muto khah lou diu ta chula.
Kapu- Nahung jiji lhonding chula. Nahung ji lhon phatle Ahcha jong katha peh jiding hihi.
Kimneo- Tua jong natha thei chula hepu. Chubanga Ahcha neitha peh nom lhon ahile.
Kapu- Tua aphat kivat nalai. Tua ahcha kama tha peh lhonna,nangni hung kicheng da lhon lechun,kahamset val ding chula😁.
Kapi- Hoilang tehse hija, atohding tong loi2 louva, nungah gollhang thu asei2 jengham?
Kapu- Napinu hung thangse kit takhu. Injole dalhah in ki um khante ati a,nungah gollhang thu kasei pou2 le, ngaithei jilou😁.
Hitichun kapi le kapu aki sun nel lhonnin,kanui nui jeng un ahi. Kapupa atot nilhum keijin ahile anomchom lheh jengin, nikho chelam jong kana hepha pouvin ahi.

Nilhah injot phat ahiphat in,kapu in kajah a
Kapu- Boi Thangcha nangni ana che lhontan. Napi toh kei ol ollin hung hon tange eitin, chuin Kimneo toh keini,kahung masa hontan ahi. Lampi a, Kimneo vin eihin houpi in, kajah a
Kimneo- Uthangcha nilhah le kholaija hung tei2 jo eitin,chuin kenjong
Kei- Henge tuni lhah levang kahung tei2 ding ahi. Tunilhah levang eini munchom min tou hite na?
Kimneo- Leitol la itou chu nop chula. Ole ipi tiham?
Kei- I thusei jouse insunga touhon ajah jiuva,nopthei lou chuo. Tunilhah levang munchom min tou hite.
Kimneo- Ole, nahung poule nang nop2 na a itou thei ahi.
Kei- Guitar jong hinchoi doh kit o na? Tujan hi Lhalih jan ahi in,lajong sakhom hite.
Kimneo- Tujan hita ong lhalih jan? kenla kivat jep nalai ham kati in.
Kei- Henge tunilhah ahitai. Guitar hinchoi hai hih o. Tunilhah i rock ding ahi hihi.
Kimneo- Henge2 hinchoi nange. Nahung phat le keiho inna hungle chun na? chuteng thakhat a ipotdoh nah hihdi.
Kei- Ole, gottup sa in ana umle chun na?
Kimneo- ole.
Hitichun kahung kihoulim lim lhonnin ahile chomlou kah in,khosung kahin pha hontan ahi.

In kalhunnin,kaki ngaito in Kimneo hi kamoh hel jeng ding hitam? ole kakho ngai nahlai ding ham? tin, kei le kei kaki dongin, abang komle hellou ding chu kanom min, ahin ka um sunga kalungsetna thu kamcheng khatbeh seilou dingchu kanom kitpon, kalungsetnan eijo val jehchun moh hel jengding kanom tan ahi. Chuin Kimneo komma iti kahoulim ma? iti kalungset nathu akomma kasei dingham? tin,kaki geltan ahi. Seiding phabep kagel doh phat in,keijong kaki sutheng loijin, an kahon tan ahi. An kahon minna,belho kagah notle kapi le kapu jong ahung vailhung honnin, an kane khom tao un ahi. Kimneo komma kalungsetna thu seiding kal kangah lel jehchun, kino tah in an kane in,kaneh jou2 vin, Kimneo te inlang kajon paitan ahi.

Kimneo te in kaga lutle, Kimneo jong ana kisa chaitan, chuin Kimneo vin apa jah a
Kimneo- Hepa ka uthangcha toh hilanga khu la kaga kijil lhon dihe.
Kimneo Pa- Boi inna hin kijil jeng lhon tango. Ipi hilanga khu ga kijil khoh ngaiham?
Kimneo- Kholai leng mi tamji valla, inna kijil ding hithei jilou chula. Hepa kache lhonne.
Kimneo Pa- Ole boi hungsot lhon hih tang o?
Kimneo- Henge hepa hung sot lhon ponge atin,chuin keini jong kahung doh hontan ahi.

Munkhat ahin katou honnin ahile chunga Chollhanu ahungsoh in,ilennao setlei ahin salvah sohtan ahi. Lhalih jan ahi jehchun, sunlai nisa vahpet abang jengin ahi. Chung Chollha vahnoija Kimneo somai lhaisel kavet chun, amelhoi na in eilhim ngol jengin ahi. Nidang phatdanga amelhoina sangin jong ahoideh set in ahile Priyanka Chopra,Preity Zinta le Ketrina Kaif hochu ima ahita pouvin, kalungset Kimneo melhoina chun, eingol sah jengin ahi. Hoi kasah val jehchun kavet chim thei tapon, mit phelou hellin Kimneo chu kave ve jengin ahile Kimneo vin kajah a
Kimneo- Uthangcha ibolla neichu ti vet2 jengham? eitin,chuin kenjong kadonbut in
Kei- Nao na melhoina chun,ei lhim ngol ahi e.
Kimneo- Uthangcha manlou thupou sei hih o. Guitar hinchoi jin neiti hilou ham? la hinsa loi2 jin eitin, kenjong kadonbut in
Kei- Nao ipi la kahin sahding ham?
Kimneo- Nadeilhen pen2 lakhat hinsa jengo uthangcha. Deilhen tum kanei poi.
Kei- Ole, kalunga hung kilang lakhat aummin,hiche Zaila chu hin oilha tange na?
Kimneo- Henge hin sa loi2 jin,kangah lel valtai.
Chuin kenjong Guitar kasaijin,hiche Zaila hi ka oilha tan ahi.

Seingam louvin guhthim thimmin,seingam louvin nang ka lungset ne. Guhthimthu khat sei hite, thimthu lel hite. Guhthimthu khat sei ing’e, ken nang kalungset e, nei sang’o aw lungdei kangailut na, nei sang’o aw lungdei, hinkho ading ken nang ka lungset ne ngaichullou huhuhuhu

1. Nangbang ka deiding umlou lenna setlei chunga hin, kavet nompen nangbou nahi, nanui jongle rasyn nadim, napao jongle kangai nommin, umchan jouse vet nommin ka ngolden jitai. Lungset in sangin o lungdei, deichim lou lunglai lodim jing, lungset in sangin o lungdei.

2. Kalungsetna thimthu hi naselung lai lodim min, lungkhat a vabang lenkhom nadin, suntin jantin selunga nalang jinge melhoinu, jatam lah a keidia monna, nangbou nahi. Nei sangin leng hite vabang, thangvan sanga chung thangvan sanga, nei sangin leng hite vabang.

Hiche Zaila ka oilhah jouvin, Kimneo vin kajah a
Kimneo- Uthangcha nathem mong2 nge. Hiche lachu koisah ham? eitin, chuin kenjong kadonbut in
Kei- Mk Haokip sah ahi e. Nao kalasah a konna chu kalunggel, nahet them theijam?
Kimneo- Heu alacheng chu kangai lou chuo. Na o bou kangai eitin, chuin kenjong Kimneo jah a
Kimneo- As nangvang ka lunggel neihet them pehna dinga,hiche lachu kihin sakhoh khoh a, nakichai deh e. Na phone chu neihin pe o hiche lachu thot peh ingting, la thucheng chu khatvei ngai mong2 ngin. Chutile kalunggel hi neihet them peh tan nate katin ahile Kimneo vin aphone eihin pe in,kenjong lachu kathot pehtan ahi. Chuin kenjong Kimneo jah a
Kei- Nao lachu khatvei hin ngaijo. Chuteng gollin kalunggel hi nei hetthem peh tan nate katin, phone chu kape tan ahi.
Chuin Kimneo vin hiche lachu angaijin, angai jouvin athipchet jengtan ahi.

Kimneo athipchet jehchun kenjong seiding kahe pon,thipchet in ka ummin, Kimneo vin eihin houpi ding chu kamoh ngah tan ahi. Chomkhat jouvin Kimneo vin mailhai sellin eihin houpi in, kajah a
Kimneo- Uthangcha atah2 na? eitin, kenjong
Kei- Henge nao atah2 ahi. Nasomai mel kahin mu ni apat a,lungset sangpen kahin chan nahitai. Ahin mi kammol kahi jeh in, kalungsetna thimthu ho nakomma seidoh ngam louva, kana im im jeng ahi. Tuni avang kalungsetna jong immang jou talou va nakomma, kahin seijeng ahi. Gollin lunghan nale jachat nan vang neisan peh hih in. Guhthim pul kadou chim phat a,kisong lel pumma nakomma kalungset e tihi kakam chenga kahin seidoh joh ahi.
Kimneo- Uthangcha ibolla hiche thu chu kei komma nasei jengham? aching athem, ahoi apha hijat lah a, ibolla kei neihel ham? kei neilou genthei,hetna le chihna nei louvin, nalung katoh jouding katahsan poi. Uthangcha lungset tah in,hiche thu chu sei ta hih in. Loile golla iki vopkhom johle anomme.
Kei- Nao ibolla hitia chu neidonbut jengham? Ven, kum hitih chan hinkho kahin manna sunga hin, koima lungset mellin kana vepon, kilungset pi neiding jong thanopna kana nei khapoi. Ahin, hilai kho a kahunga, nang kahin muchun,namel hoi nale naphat naho chun ailhim ma kilhim bangin,eilhim ngol jengin ahile keijong lamdang kaki sa lheh jenge. Milding kati vangin, kalungset nan eimil sah theipon, nidan khat jengjong milthei louvin,phattin nin nangbou kahin gel2 jenge. Boi kisong lel hih in chule keijong neisong lel hih in. Kalungset nahi kadam kumkho ading ahi. Setleija lanu asang aja in tam nante, ahin kenvang ei thinglhang chonna chon, anampon toh kikhen kanglou kanam nungah KHAMTANG LANU nangbou kahin ngai sangin,kahin lungset penne. Boi lungset in gollin kahin peh kalungsetna sangpen hi gelthem minlang, lungset bal jallin neihin sang jengtan.

Kimneo- Uthangcha lungset tah in KHAMTANG LANU tin, neikou ji ta hih o. Kajahcha e eitin, chuin kenjong kadonbut in
Kei- Nao kalungset val jeh a, naki vonna toh kilom sella KHAMTANG LANU tia kahin minvo ahi. Ven tulai nungah tampin Nampon adeijun, ahin Nampon choisang nom nungah atampoi. Lim kilah nadingin bou adei uve. Nangin vang na loukon na tilou vin, na Nampon nachoi sang jingin ahile mitin seiphat na chang’e. Nampon ngailu kanam nungah nangbou kamu jeh a KHAMTANG LANU tia kahin kouji nahi.
Kimneo- Uthangcha chutia lung nagella, KHAMTANG LANU tia neikou ji ahile akhoh hih e. Kipah aumme eitin, athipchet kittan ahi.

Chuin ken kahoupi kit in, Kimneo jah a
Kei- Nao nakomma kisong lel pumma, kalungset na thu kasei chu, gollin nei donbut louding hitam?
Kimneo- Uthangcha khongai tadi o. Chomkhat hung kigel ta ding’e eitin, aban ima aseibe kit tapon ahi. Hijehchun kenjong seibe ding kahe tapon, Kimneo vin lungset nathu a, eihin donbut dingchu kamoh ngah jengtan ahi.

Aban jingle simkit tao hite.

Lunglut tah a sim jouse chunga kipathu kahin seije.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply