TOUPA A THEI By:Biak S Tawmbing
Get In Lamka Digital Marketing & Information Services, North East News

TOUPA A THEI By:Biak S Tawmbing

0
(0)

TOUPA A THEI

Biak S. Tawmbing

Biak S Tawmbing

(Hiai ka hon laigelh, lungkhamna mangbatnate hiai leitung ah i khualzin sung a lungngai tak a hinkhua ana zangte a din in ka hon lankhia hi. Simtuten bang hiam bek a phattuamna tun ding in leng ka gingta a ka thumna leng ahi.)

Khawvel ah i damsan bang ahia? Bang hih ding a khawvel a piang i hia chih i suut vengveng chiang in Pathian bawl sa i hi a, amah phat ding leh pahtawi ding a khawvel a piangkhia i hi chih dawnna hong piang zel hi.

Himahleh khawvel a om i hihna ah, haksatna tuamtuam ten hon tuam chiang hon Siam pa Pathian leng kipah tawi zou kei hi. Pathian thugen siam taktak ten leng khawvel ah mangbatna haksatna tuak thamtham uhi.

Khawvel khosakna i dinmunte mi a tawh i teh chiang in niam kisak luatna genthei kisak luatna in i lungtang hon luah zel hi. Khawvel a om i hihman in huaite hong om lou theilou ahi hi.

Khawvel a om i hih chiang in i mihing lungsim hon suah chiang in bang chi lawmlawm ka hi dia chihna hon lian mahmah hi. I ngaihtuahna i lungsim ah a sia ngen kipakna i ki dim a i ngaihtuahna leng hon sukha mahmah hi.

Ei Zomite mi dem hatte ki gen siat hat te, mi hihna diktak leng theilou a kholak thuthang khawng ahih leh leh mi hotel houlimna teng khawng ana gingta thei, ana ki hilh sawn nainai te ki hi lai hi.

Thudik bang ahia chih kan chian masak omlou a, thil i mawk gengen ziak un leng i gamsung uh sia a banah mi tem in i va sat kei zong in i kampau ten mi kisat liam kha thei hi.

Christian i kichi ua, mite a dia khamuanna lungmuanna tuntu hihnak sanga mite neng niamtu i hih khak ding lauhhuai mahmah hi. A neupen a pan a lianpen tan in i kampau zatte mite a ding in lunggim, taksa khalam damna tuntu hile i chih mahmah hi.

Lungngaihna mangbatna gentheihna khawvel ah i len sung haksa i tuah chiang in i lungsim te tongkhong in Pathian kiah leng ki thum theilou hi. I gen masak ding pen le theilou in hamhaih tak in ki om hi.

Huchibang kawmkal a diklou pi kawng a gen na i zak a i tuah khang chiang in hon theikei na mahmah uh e maw ki chi lel a, a gen ding dan tuan ki theilou hi. Huchi bang dinmun a ding ka nulehpa leh ka tuailai pihte haksa i tuah a mangbang tawpkhawk i tuah hun in, Toupan thil bangkim thei hi chin ki khamuan ni.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply