You are currently viewing TOUPA KIANGAH KIKNI. By: Mawi Tawmbing.
Get In Lamka

TOUPA KIANGAH KIKNI. By: Mawi Tawmbing.

0
(0)

TOUPA KIANGAH KIKNI.

Mawi Tombing

~Mawi Tawmbing.

Unaute i lampial na akipanin i pukna akipanin Toupa lam ah kik thakni.Toupa hon ngaidam dia mansa ahi tuni’n i khelhnate ziakin i Toupa Jesu’n pamai ah ngaidam ngenin sun nitum in a khutte a jak hi.

Khovel ah thupina toh manglel di buaipih in om keini. Lei gouluah di om kei hang, vangam ale na leigou na polut thei samkei ding. Bang in honbumhai a, bang kituh i hi ua? Nuai zinmang henkol bulha, saltang i hi lel Toupa aw ka gammang na ua pat honpi kik non in chiin Toupa kiang ah kikni.

Aw enveldih loubang tulsimlei, lungkham a leh natnan adim zouta atung ah lungmuan na omta lou siatna tuipi akihot tak jiak in i tenna khovel tekgopta, tenna tak hinonlou lungmuan a kingakna tak hinonlou I mit a i muh i jakte lungmuan a kipak nadi himhim om nonlou Toupa kiang loungal idamna ibit na di omnonlou Toupa kiang kikni unaute

Pathian ta hih na diktak nei ten inn sang lam tou hunta na ginna hih kip ahih hat semsem hunta. Toupa tate’n ginna kip len a kalsuan hunta hi. Hakstna khovel siatna in bang chiteng in hon buak lehle hiai khelhna te’n hon tup banlouh din na khalam hihhat in Pathian khut muanhuai lenkip semsem ni.
Hunna nung ahita Laisiangthou thugente atangtung sak tu in pang keini. Huaiham na leh duhgolna angmasial te tawpsan ni leigou luah di om khang. I tangtawn mun di ngaihtuah in buai zaw ni.

Unau Toupan hunhoih honpiak laiin amah lam ah kikni hehpih na hun hong beipah ding hi. Sunkal zankal a na hinna bei phut thei ahi. I hinna tung a thunei tu Toupa om hi. Ei thu hilou ahi, tomkha i damsung ki iit in kituak in, khosak sawmni. I damsung nite lah loupa bang a hong vuai pah di ahi ngal a. Kingaihtuah thakni Toupa lamah kikni. Na kha bolpan hon itlua ahi. Bangjiak a nang leh kei tutan dam ihia? I hoih nate ziak hileh tutan i dam diam? Toupa ziak lel hi. Unau i khelhna teng toh Toupa kiangah kikni.

Khovel a bangmah khiatlah di omkei, kinaka kituh di le omkei, leigouluah den di omkhang. I khelhna tengteng toh Toupa kiangah kikni, hon ngaidam dia mansa ahi.

Simtute na vekun Toupan hon vualzawl hen

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply