Post Views:
29
Tuni 28-06-2019 zinglam dak 9 pelzek lak in Kunglal Veng – D. Phailian – Pearsonmun route Diesel Auto te khat ah ADC office kong apat kong tuangtou a huai route mah a taisuak di kasak leh Bijang lak ah Lanva route a laitak ah hon khekzok in College kaiding naupang nih puaktouh beh sawm hi. Huai a laitak hon khektak in kenle na laitak na khekzok mok diklou ahi… Na tak masak pen route mah na zuih ngai ahi…. Huai nataak ziak a kei hongtuang ka hi, na route khekna pen a kei tung ngeilou di ka hi ka cih chiang in ut tuanlou a naupang nih tegel kum khe nawn uhi.
Auto Pu le heh in naupangte gel sam non a amau la hong tuangngam nonlou uh… A tawp a kei kum mai in… Naupang nihte honglut non uhi. Auto pu toh le kiselna omzek hi. A ziak amau lamkal a a ut hunhun ua a route uh mi tamzawkna lamlam a khekzualzual thei di mah ahi di uam? Public transport ahihlam kithei lou uh ahi diam? Passenger dang omkei lele a route uh nikhat thu a a utna lamlam ua passenger omna lamlam a tai zualzual thei di mah uh ahi diam? Sum deihluat ziak a passenger a route dik a tuangte zahtakna nei hetlou mimawl gari hek omzaw poitak ahi.(Hiai toh kisai auto pu min leh gari no. Le va taklat poimoh kasa sese kei).
