Tuni thucha by Pastor Thiandam

Tuni thucha by Pastor Thiandam

5
(1)

*Tuni thucha* [28.12.20]

1. Pathian nasep hi mawpuakna nei ziak mai ah sep di ahi pua’n chuleh, Pathian Biakin leh minsiat melkhuna’n kai di ahi puai. Mite’n pawlong in ensek maleu le Pathian in lunggil leh ngaitua na A enzaw sek hi. Pathian chu bangkim he, khawi mun ah le um, Bangkim bawlthei Pathian ahi ngal a. Mihing chu thep thei hi ma leh Pathian chu thep theilo Pathian ahi.

2. Pathian nasepna’n muthei kinepna bep nei ah sem ihi khak ua chun, Vangam ah lawma’n di umlo di ahi. Pathian thu tawh kisai him him chu Vangam ah GO kholgual ah isep lo ua chun, phun na di, lung oilo na di,
Paume di tamtak um ahi. Ahin, Vangam ah go kholgual ah semte din vang Kipakna, lungkimna, thatnopna, gin-umna tawh a sem khawmsek uh ahi.

3. Pathian nasepna hin KEI [me, I’m] sanga PATHIAN [God] alet zawk lai sia chu thagau
polna leh kipumkhatna a um sek in, KEI ahung letzawk tak leh vang, chapona,
mani masialna, kithangthipna, kimelmatna a um nuam sek ahi. Zia ziaka chun KEI sanga PATHIAN vaihawmna kochuam chu Thagau lam gasua a tam sek hi. Kochuam/mimal thagau ga neilo chu kochuam thi, ginna thi taw bang ahi. Pathian kochuam khat chu ga anei ngai ah chule, Gingtu khat hina chun, Thagau Ga chu nei ngai him ahi. Lalpa’n gasua dinga ei tel, ei ko ahi gualin gasua chu gingtu hina’n maw puakna liantak ahi.

4. Pathian gam leh A nasep hi, Talentsukpun, Gokhol tawh tekhin mun ma ma
khat chu ahi. Pathian hinna lekha bu ah bangkim record ah um te chu hunkhat chu Pathian in hung tak lang tho di ahi ziakin, hun a kikhel ma’n napha sem te leh Pathian ah dinga gasua leh gokhol tampen te chu Lalpa ni tak leh mivangpha,
Mi en um hung hi di ahi ngal ua.

5. Biakin kai na’n hun la piak te, tholom la kuanna’n hun la piak te, Pathian a dinga nei leh go la sente, sum leh pai la sente, Ama pomtak cheng chu Go Khol, laga hung hi di ahi. Zia ziaka chun Biakin kai, Lalpa a dinga hun piak te a thon ahi puai ti chu a kihcian tawk hi. I thilpiak zosia Lalpa’n Ama nitak leh hun dit kit di ahi.

*Lalpa’n hung malsawm chiat ta hen*

How useful was this post?

Click on a star to rate it!

Average rating 5 / 5. Vote count: 1

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply