Tuni Thupi: 3 Powers  By:Pastor Dawngzathawng
Get In Lamka

Tuni Thupi: 3 Powers By:Pastor Dawngzathawng

0
(0)

Fellowship of Thirsty Souls n Hungry Hearts

Devotional # 139

Jingpha leh Shalom!

Kipah thu genna ding tam e. Zomi Nampi Maitam March 20,21 a ki bawl ding hita.Kuki Nampi Taona , Hmar leh Mizo group a thum pawl te jong chial hi ding.
US in Iran kap non lou. Kipah huai himai. Tualeh Trump jong impeach hingei lou ding.
Tujing kal Vision Lamka te meeting um. Nineveh Revival ten Dr Pumzathang thugen in jang in tuni leh jjng thumna um.

Tuni Thupi:3 Powers

Tuni Power chi 3 te en vai.

Henry Nouwen in “The pathway to Home “ laibu ah power chi 3 in khen hi. Ama apat idea kila hinanleh chi tuam deu in en vai.

Power # 1: false power.

Himi power khu Adam suan mihing jousien adei, adel uh, adangtah uh ahi.
Khawvel a dictator ten a hasua ut lou uh power ahi. Pharo apat Herod, Nero apat Nepoleon, Hitler apat Sadam Hussen, Marcos apat Gaddafi, Maotse dong apat Kim Jung.
Tulai MLA MDC ching ut a bol thei teng bol te. Mi tha jong khawh sa lou pawl.
Ahuai se diah Hattuam pawlpi a post dei a party bol leh vote campaign bawl pawl, a langkhat ah a post ki tukhiah ding lau a pu gou pagou dan a kem bit sawm ahing tu thei ding te ning khin leh tuam bawl pawl.
A power dei atang jou lou a power neilam te dem dem pawl.

Tua mai hilou a local sung a a kham kham dinmun dei group bawl a LCC capture sawm pawl. Alang khat power tang jou lou a phun phun opposition party jong hattuam pawlpi chin leh local chin ah ki vat lou hi.
Nupal kal , tehleh mou kal a power kituna gal bei ngei lou.
Office te ah jong power kituna khawllou in um.

Hite khu mihing pianken a power dangtahna hat dan leh hin dan( reality) i gen utna i gen jual ahi.
Hitler te Idi Amin te i genna a local leh pawlpi hileh i hitheina kham kham power show ngen ihi.
Himi power khu mi bol hoinan kijang lou ami bolsietnan leh mahni EGO vahkhang nan ki jang hi. Himi power khu midang te suh nat, suh ngiam, suh buai nan ki jang hi.
Ahin Midang te suh sietna aki jat jat lai in ajang te asung lam ah ana susie sie in atawp in mite asuhsiet sang in a neitu sietna huaise jaw hi.
David Wong in leadership to kisai agenna ah Older politicians say to younger poloticians “You may have all your ideala today- but wait till you get into
Power”
Power pen dei huai mama napi power in a neitu / a tawitu te susie or that lou in nusia ngei lou hi.

Power # 2: powerlessness:

Hipen pen atung a power teng teng suhsiet or jaw na ding a Mangpa Jesun ahing jat power khu ahi. Bethlehem ah powerless in hing piang a. Poweless hinkhuo hung mang tou in powerless in cross ah shi hi.
Himi a powerless toh Van leh Lei a power teng teng khenchip in gualjou hi.
Khujiah in Aman ajat ding himhim te a power teng uh sut khiah sah or suh jawi sah masa lou in koiman jang lou hi.

Mose kum 40 sung in a power sut khiah sah hi. Jacob, Paul, Job, David, Abraham, Daniel etc. A mi jat phot a power uh sutkhiah sah masa lou in jang lou hi.
Ahin himi power teng sut khiah khu bai lou in hun la mama hi. Ajieh pen mihing lui in himi power kila khia ding khu dal chitah in dal hi.
Power surrender a vulnerable leh powerless dinmun a umkhu mihing hangsanna in ngam lou in tudet vevaw uhi. Ki siam tan in rationalise bol in a power uah ki luai vevaw uhi. Atawp ah Pasian in a lou thei lou in Paul te Nebuknezer te bang in akhup uah umsah veve hi.
I Mangpa Jesu leh OT leh NT leh hattuam history ginna galhang jousie in ana tot uh lampi lah ahi ngal hi.
Na power teng hing lahsah lou in Ama power hing pia ngai lou hi. Power surrendered loute tung ah power ki pie ngei lou hi.

Power # 3: True Power:

Himi power khu a power teng surrender a vulnerable tah um a zero power teljaw a, ki su awng siang te tung a Pasian in a pia khu ahi. Himi power ahileh power # 1 bang amidang te nuai net, suhsiet a ama ki dop sang na hilou in midang te bless theina power, midangte panpi theina power, midng te damsah, hinsah, tundin, dop sang theina power ahi tahi.
Ahin himi power khu kingai niem leh pilvang tah a jat leh kep ahi ta hi. Powerless leh vulnerable din mun khu himi power ading a achabi ahi jing a. Surrender leh ki suh awng khu himi power ading thuguh hoipen ahijing hi.

Tunin power bang jat na dei ei hi hilou in na power bsng jat na surrender ngap ei or bang tan in na ki su awng ut ei? Chi hijaw hi.

Mangpan power del del a jui jui gingtu hilou in power apat tai mang mang te hing hisah ta hen!

Topa Thupha!

Pastor DZT

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply

×
×

Basket