Tuni Thupi: Corruption lah a sang pen, dihtah louna leh guhtatna sang pen
Get In Lamka

Tuni Thupi: Corruption lah a sang pen, dihtah louna leh guhtatna sang pen

0
(0)

*Fellowahip of Thirsty Souls n Hungry Hearts*

Devotional #! 164

Simtute Topa Thupha!

Tuni Thupi: *Corruption lah a sang pen, dihtah louna leh guhtatna sang pen*

Pandemic thu ka gen sawm leh adang khat gen jaw mai vang. Covid 19 va ha gen seng jong dachiang i jau seng seng dan uh melma Setan pa kipah seng va ka chi hi. Aman Pasian tate lah a jauna hagau , jauna haichi a tu jou phot leh agual jou ahi. Ajiah pan “Fear is a kind of worship”.

Adang khat gen phot vai.
I gam a corruption corruption chiin politician leh officer te dawm lou in i kou kou uhi.Eg
Tulai anntang kumpi in a hom a kg ching lou a amun tung chi te ki gen tam mama hi.
Corruption leh dihtat louna , gutatna nisim in igam ah alian apat aneu pen in ki bawl hi.

Ahin tuni kei corruption gen sawm, kei dihtat lou na gen som kei guhtatna gen sawm khu igin tat lou uh asie a jong ki ngai lou , thei lou a ki bawl bawl Christian plagiarism kichi khu ahi.

Hitoh kisai ka article hih a 2 veina ahi ta.:

Adiah in tulai lochdown jiah in i belam te ngaipoimaw in youtube sermon pastor ten ki ha bawl ta hi. Nidang a youtube a ina ngai uh Dr JM Paupu leh Dr Khaizakham ahi pen a. A chang ah Rev Sholal leh Evan Damkhothang te ahi. Mizoram leh unau hang lamte thutuam.

Tu in chuh thakhat thu in youtube preacher tampi ing kibelap uhi( kei chi louh). Tuni pualam mi te , thawktu lou adiah a laymen te ( research scholar te Lou ngal)tunia igen sawm khu Bang in jong ngaisah in nei sih va uh. A hiin scholar lam ten a vang thei siam ta law ding uhi.

Tu in igam a ken corruption, dihtatlouna, gutatna ka chi khu hijg gen ta vang:

1) Pulpit a Pasian thugen ka hi chia mi sermon sa, mi apat ka lah ka sim khah , mi out line ka mukhiah te kei ma bol dan a ka gen sawn leh crime chi khat bol
Kahi.
2). Laibu na gel a mi illustration mi quote te pi ahibang bang a nang adan na gel leh mi guta na hi.
3) article mi gelsa or mi idea pi nanga adan ahibang a na sua sawn leh dihtat louna sang vawt ahi.
4) Na sermon a , na laibu a mi thugen te nangma originate dan a hibang a na gen leh pulpit tung a juau gen pa na hi.
5) Mi la phuahsa a phuah tu apat permit la lou leh theisah lou a nang phuah dan a na kisahna Album na ki bol leh mi dihtat lou pa/ nu na hi.
6) Mi poetry, mi thupil
Gen, mi minphuah sa etc etc te nang bawl dan a nalah chiang hite ahi corruption kipatna. Ei a lou lai ei adan a kisiam khu.

Bang chi bawl ding?
1) Mi laigel, mi thugen, mi ouline, mi illustration gen pumpang lou ding ih? Hilou e. Ha lah a lah ding, ha copy a copy ding, ha quote a quote ding ma hi. Ahiin i manghil lou ding khu i lahna source pulah tei tei ding. Tuachi lou in eg. Ginsuanhau ann tang hom khu nang min a na kihom toh kibang ding na hi.
2). Mi laigel en leh quote lou dng hilou in ei mu khiah ei khuatkhjah, ei loi doh dan a igen chja ei mi juau pa ihi.
Eg Dr JM Paupu thu gen quote mai hilou a JM Paupu gentena or Aman Billy Grham thu gen agen sawn te pi en direct a “ Billy Graham in agen” ichi khu dihlou hi. Billy Graham gen hima leh JMPauou khu i source ahi ta hi. JM Paupu apat ijah sawn ahitah jiah in Direct in Billy Graham in agen ichi thei sih ding hi.
“ JM Paupu in Billy Graham thugen agena ah” ichi sese ding ahi.
Mi khat in gim tah in sing tom tom in a tomsa teng nang kipuah mang leh chin guta na hilou leh bang hiding? Siing p
en chih ding hinanleh atom in gimtah atom ahi.
Eite khu a JM Paupu malah a Billy Graham thugen jong ei gen dan a umsah thop thop te ihi.

Mi khat in sunni tum in sega luah in a luahsa teng nang la in nang luahsa dan in hom leh chin mi chuh kipah mama van jong hing pah ta ve un. Ahi vang a nang pen mi lepche pa na hi. A gimpa min pulah lou a , nang pen mimu dia mi fel, mi smart, mi hoi na hi mai thei ahivang a mi juau pa na higige hi.

3) A thugen tu, a la phuah tu, thugen hing la sawntu , illustration hing gen/ hjng gel masa pen tu ? Ahing mudoh tunithei lou leh jong ithei lou dan gen tei tei ngai na lai hi.

4) ahin la hiin thu hileh, illustration a common mama mijousie thei sa te pen “ i thei sa uh, a ki ha gen mama” chiin igen sawm thei uhi. Ei a kipan lou phot i pulah ngai hi.

5). Ei loi buaina khu mi direct quotation, outline leh illustration, jong ei dan a ki gen thop thop mai hilou in quotation, illustration, outline hoi isah phot khoi a imu, ijah , isim khiah chi um lou in amu khia te theinpha lou in ei mukhiah dan in ki gen jial jial hi.
Lomte, tua thu hoi , thugil hing mukhia , hing khuatkhia, hing ladoh, hing mu doh ten kum tam pi, dahkal tampi ihmu lou a khoi a ahe apat a ahing mukhiah uh ahi. Nang na touna mun a nop tah a nang muhkhiah dan a mudoh te thei pha lou a na gen jial jial pen crimminal lianpi na hi .

7) Bang chi dan a Dr Khaizakham gen lah hilou a bang dia ama min pulah sese ding lah? Na chi mai thei. Na Moody gen gen, na billy Graham thu gen , na gen gen te nang hoi a Billy Graham,Moody,Tozer, Luther, Yancy, Piper etc laibu na va jah sim khah lah???Khaizakham apat na jah or na sim sawn hilou. Hihmi ahi i buaina uh. Khaizakham mukhiah khu nang mukhiah dan a ama apat na lah sawn ahidan na gen lou na khu na juau tatna ahi.

Ka piangthah tung lai local preacher tampi in sermon nal
Leh illustration hoi pipi ka khuo uah hing gen jel uhi. Tunia ka nung sui leh mi a agen sawn ngen uh ahi..

Mi a isim ijah te i gensawn selou hi gensawn dima ahi. Ahia ilahna, i muna i jahna source va gen khu bang e asietna? Ei a lou pi ei a dan i bol
Khu aveleh i chitah louna uh ka chichi.

Gen di , sah di, gel di ithei lou leh umkhiin khian vai in athei ten gen in, gel in , sa na ve un ei angai khia tu ajiltu jn pang mai vai.
Ei a umlou mi gensa, gelsa , phuahsa , sahsa gen leh gel
Leh sa ding ihileh ei adan in bol
Lou in a gente , agelte , a sate min pulah lei bang ma buai lou ding hi.
Gamla pi, England, Greece, Rome, Germany, USA, Ahilou leh kum 500 paita a laibu leh thu kigen te iva pulah baan seng lou leh jong ei anai nounou a thu kigen, lai ki gial, laa ki phuah te beh thei lou kipang in gen sawn, gel sawn, sah sawn chiin da leh ajieh pen ki lang gia gua hi.

Eh Dr JM Paupu sermon,Dr Khaizakham sermon sa na gen sawn leh mitampiin mankhia hahsa sa lou mai hilou in ama un jong ana jasawn thei mama ding uhi. Ama uh mukhiah , sui khiah quotation leh illustration te na guh sah leh nang preacher guta na hi. Ahin a source na gen leh a suahta na hi jiau hi. Hahsa lou hi. Khuh na bol lou khat min gim tah a bol Khat a boltute min na pulah ding bang na ut lou na lah?

Simple gen sawm
seng seng avialvial a ka gen toh ka gen buai deh deh hi.

Atopna ah: mi thu gen, mi
Lasah, mi laigel gensawn sawn sah ding ma hi. Ahin a gentute, a puahtute, a satute, a gel tute min ban ah khoi apat i jahsawn, isim khiah, mukhia chi poimaw mama hi. Tuahilou in ei te Pasian nasem ikisah sah lai in mi tusa gim lou a at at leh mi min a juauthu toh patatna mu hi gigei ihi chi thei vai.

Pilvang ding in Mangpan hing siam ta hen!

Topa Thupha!

Pastor DZT

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply