Tuni Topic: Our Values n Usefullness lie solely on our availability
Get in Lamka

Tuni Topic: Our Values n Usefullness lie solely on our availability

0
(0)

Fellowship of Thirsty Souls and Hungry Hearts

Devotional # 148

Shillong khuo vot mama apat in jingpha chivai!

Tulai houlim na ding tam mama leh jong aki gel khia man lou himai e. Tate school lut buaipi ding tamma ei. Ka ji in MI phone thah , man tam lou khat hinanleh hoi mama khat lei. Ken jong kaBible 2017 Dec a kalei pen tel ta- bu 5 suah ta ahiman in Study Bbile thah khat lei. Kipah ung e lomlom.

Tuni Topic: Our Values n Usefullness lie solely on our availability

Prov. 27:10
Better is a neighbor nearby than a brother far away.

Pu Lianlal RBI manager in Mumbai a training jou a ang gen khat: “Dr sepecialist i chi chi ua ama un hun nei lou sasa kinaw tah a ang et sang un MBBS khat in lunglut tah in hing enkol leh ki dam jaw dinghi” achi khu ngai tua tham ahi.

Curtis Hutson in availability poimaw dan agen na ah Emergency a Sihkil i khet som chiang gamla pi a um seh( hummer) sang in inai a um sih or suang khat manpha jaw hi chi hi. Ahilou leh asang a um thil
Khah lah na ding in i garage aum keellei( ladder) sang in inai a um stool ki jang thei jo hi.

Pasian thugen siam mama na pi hun nei lou, contact hahsa, chial hamsa , biah hah- a du ada tam chi sang in i nai a um country / village preacher khat khu a ei adia apha tuam jaw suah hi.

Pasian hagau mi mama, ngasaang huai mama,i ngai mama hinanleh aman hjng thei pha lou jong hing ngaisah kholllou sang in i khua a upa pa achang chang a ih inn a hing vah lut jelpa ei ading ajat theijo ahi.

Na inkuan pi pa officer lian tah, na ki muan pi mamapa khu city ah nop tah in teng a nang um na lamlam hing thei pha lou hi. Ama sang in na me juah pi apoimaw ni a somkhat/ somni na bat lah thei nu khu nang adin manpha jaw suah hi.

Abul i gen Dr specialist siam mama na pi. Hun nei lou. Appointment lah hahsa, ama lah biah hah mama tua pa/ nu sang in na nai a nurse or village dr pa khu nang ading in a jatna tam jaw hi.
Na lompa chia na kihisah mama hinanleh na muphah lou,na buai ni na bat phat lou , kup phah loukhat sang in na inn nai a mi manlou a na sim ahi vang a na buai ni a na sawl thei pa khu nang adin mi manpha jaw suah hi. Mi lian khat
Na mel thei chia na kisah thei mama. Na kimu chia kamsiam a a ki it dan a na ki houpi a hoi deu deu a nabol pa hinanleh buainina jat thei lou pa sang in na gas beini a na sawl theipa khu aman pha jaw suah hi.

Tunin na lom leh na tanau, namel thei, na pastor hi taleh talent nei in, siam in pil in, hagau mi in, hausa ma leh na poimaw ni a mu phah lou, bat phah lou,kom
Phah lou khu bang chi tuh in ki mel thei in , ki lomta chi nan leh chin nang adia value bei ahi.
A value na khu a availability a kinga ahi jaw hi.
Availability chi in tahsa a presence sese ngai lou hi. Emotional presence jong hi thei hi. ( mun gamla a um te) .

Ka lom bang a kabol, hagau lam a ka ngai saang, ka hagau in a lung gul mama khen khat ka hinna apat ka sut khia um ta hi ajieh pen kei a dia available mong mong lou mihingte khu bang ja in hoi in ngai huai leh jong kei adia ajatna ding bei china ahi.
Khusang in mawl tah a ka thum khawmpi ka nai a gingtu khat khu pha tuam jo hi.

I ki jat theina, i manphatna khu i talent, i nei, i minthanna , i kamsiam sang in ih availability ah um jaw chi ut ihi.

Na hattuam pi, na tanau, hagau a na lom, tahsa a na ki naipi himai thei ahi vang a na poimaw nia a tahsa or emotional hileh available thei lou mihing ahileh tua mihing te khu nang adja value bei ahi. Vanai nai nai , va sai sai ngai non lou hi. Tuasang in mi available thei te mawl in thupi lou leh jong nang adia value neijaw ahi uhi.

Pastot Joel Osteen in “I would rather have two good friends who i know are for me100% than have 50 friends who are only for me 80%”chi hi.

Tunia i jil ding khu i ngaisaang, ijatat, i ngai mama khenkhat sang i ingaisah lou ahivang a ahun hing pia ngap gingttute khu ei adia i lom tah tah te hijaw hi. Tuate khu i pastor sese , ihattuam mi sese hilou uhi, i nam iham kibat pi hisese lou mai thei hi.

Khujiah in ka teacher pa Dr Ron Mcitosh in 80/20 Rule
alaibu ah hibang in gen hi:

20% of your effort will produce 80% of your result.
20% of your people will give 80% of your money.
20% of your people will produce 80% of your result”

I pilvang na ding khu hun hjng piathei mong mong lou 80% te kunga na hun na piah piahsang in 20% nang adia available te kung ah na hun na tha pia jaw lechin 80% fruit na mu jaw ding hi.
I changtel uh “gamlapi a um unau pi sang in nainou a um inveng khu phatuam jaw “chi ahi.
I ngaisang,i jatat, i iki sah thei pi ei adia batphah, kup phah, nai phah lou mi hoipa sang in anai gam la thei sing , mi pha leh pha lou, hagau mi leh mi lou thei sing but caring enough to make himself availabe” khu ei adia mi manpha hi mai hi.

koi hausa, koi fel leh siam, koi hagau mi leh thugen siam, koi thummi leh thumsiam hi nanleh nang jat thei a a um lou leh nang adia mi manpha hilou mai hi.

Tunia igen ut pen khu mi khat manphat leh phat lou leh ki jat theina khu availability ah ki nga mama hi.

Khetbuh hoi tah gamlapi a um sang in singtong i nai a um khu manpha jaw hi. Dr specialist Imphal a um khat sang in ka nai a mi kap thei ham ham pa khu jat thei jaw. Hagau mi mama kei batphah a um lou pa sangin ka khuo ua upa mawl pa ka buai teng a hing thumpi jelpa kei adia manpha jaw hi.
Mi hoimama hinanleh chin na ta te adia available na hi lou leh nu hoi pa hoi na hi ngei sih ding. Khuo tang leh hattuam a fel mama hinanleh chin jong na ji a adia available na hilou leh good husband naki chi thei ngei sih dimg hi.
Availability um lou pi a lomta, ki it ki ngai chi um thei lou hi.

Atopna din Bible a Pasian in a hat leh ajat te khu a available te ahi.

Mangpa’n ei jong midang te adia available ta ding leh ei adia available te manphat dan thei ta ding in theisiamna hing pia tahen!

Topa Topha !

Pastor DZT

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply