Tuni Topic: The Fool that I was

Tuni Topic: The Fool that I was

0
(0)

Fellowship of Thirsty Souls n Hungry Hearts

Devotional # 161

Simtu ittah te Mangpa ni jing mawng pha!
Janni Sunday sakha ka veleh. Ahia khawhsih simtu te lai ah Sabath ni tang jong umveve na!

Tuni Topic:*The Fool that I was*

Tulai pre- diabetes stage ah ka um hi. Niteng a diet bawl leh self test bol khu kana sep ahi. Tu ha 2/3 sung ka sil neh ngol huai dan gen ut ka hi. Baal, bu man hane a ne, a chang ah special tea, honey, ahlu, real juice, red meat khat vei tou tou ne, kang nga hane a ne( neh khah khah chia) , khuainou domlou etc neu nou nou kine te ki gawmte in hitan hing tut hi. Ngol ga kine himai. Tutung ka ngol / hai / mawt dan history ka sut sawm hi:

Neh lam ah:

1).USA kum 8 ka um sung in ki changkang sah mama fitness course jou, gym pai pai hina pi Ahlu, ahtui, thau, dal leh fast food /cock hah ne in ka ne hi.

2) Inlam kang tun in singtang me du in dawm lou in ka ne a lipid profile test kichi 2010 in ka thei patna Dr in hing test sah a hoilou ngal hi. Sugar chuh hoi nalai.

3). 2010 a Ji kang nei in ji nei ta nah nah neh lam ka huai se jawsem hi. Lipid chuh sang himhim ta. Neh kisum mama dan a kiKoi na pi khulai a ka neh te ngol huai kasah tam. Vohsa leh singpi hum chi lou neveh sim.

4). Tunai kum 3/4 paisa in ki control mama, exercise la in ahivang in redmeat, pork, singpi hum chauh ki sum. Ka ki sum ka chite jong neu khat khat chiam veve even special tea. Ki sum ka kichi te nuijat huai kasa hi.

5) Tunai ha paisa ha 4/5 in jong kisum ka chi vang in neu nou nou in ka ne veh a. Adiah in baal me, bu man ka hi bol hi. Ann neh him him ka dawm sih hi. Pilvang kisa tah leh health book sim sim hinapi ngol kana kisa hi.
Ki control kakisah mama khu ching joulou hi. Junhum dal jen ding in ching joi lou a. Ka neh lam in lep jaw hi,

Tulai tah in
Nitah chia roti leh rice ka neh leh jing kal fasting ah ka sugar level 111 hinalai hi. Roti leh rice kaneh leh pp pen 130 nuai hijing. Ahiin ann mai ne leng pp pen 180 bang tung.

Pichin nung, junhum hoi lou dan bang kim thei nung a hitan ki tung tei tei thang pai huai hi.

Pil kisa mama, thei kisa mama, ki control kisa mama a ka neh te ka et leh neu nou nou ka chi lai in tuateng ana ki khol khol ana hi hi. Ahilou leh redmeat, singpi hum, ahlu etc tang kisa in ann ha neh in ne in a henlutna ding ong lou jen in nikhat in 2 vei ne lei bang chi sugar nei lou di lah???hih ahi ka ngol dan dan ka chi khu. Ngol ga, pilvan lou ga, du gawl ga, ki dihsah ga , green tea ka ha dawnna chia ki muan ga, walking ka paina, ka khuasa ka potsahna chi a mahni ki muan ga ne kihimai hi.
green tea them , akha them i dawn leh singpi them ki sum ten rice niteng a 2 vei
A ton aton a ka thun lut te anan jou didan um lou hi. Kum hijat health conscious tah a hing kaki chi lai in hite ana thei nai lou khop a ngol ka hi. Honey tanpha jong ka khawlsanna ha 10 hinai lou ding hi. Bu man leh baal chu kanehna ha 2 pai nai lou. Hichi tuh a ki backward hi.

Hagau lam:
Tu in ka ngolna hagau lam a en vai.
1) ka pianthah tung apat ka Bible jil tan kum 10 val SS leh good news club a ka naupang pui dan te ngol huai vawt hi. Ha pan seng anu apa te uh jong ka gensiet sah jial jial hi. Kikhopna naupang te chiang toh jep chivel. Hapan mama na pi Kumpi Jehu taimat( zeal) ka na bang hi. Khulai a nu leh pa ka SS leh GNC atate hing sawl te patat huai kasa. Ignorance was really a bliss! Child psychology kichi nil in thanopna leh laitna toh naupang kana pui hi.

2) Hattuam a kum 3 sung evangelist ka hilai abial fan leh crusade vel
Ka bawl a mite ka hou dan leh ka gum tat dan leh ka awsie te mawt huai sa tah tah ing. Giahna, neh leh taah tanpha ka complain hi. Thiljum huai vawt tua inung ngai tua leh.

3) Kum 3 probational Pastor
Ka sep lai a ki fel sah a , ka ham dan te, ka mi deal dan te ngol huai kakisah na tam e. Taima mama na pi thil ngol huai pipi ki bawl hi. Mahni Kidihsahna, ki siangthousahna, ki theisahna, ki theologian sahna,ki bol theisahna toh belamte ana ki pui hi. Ka seppi leh ka belam honte ka tung ah thuahjou uh kasa hi. Kei belampu sang in ama un hing kem jaw uh hi ka chi ut hi.

4). America ka um sung in hun tampi ka tupa u Langthang ( Dr LT) te family member khat bang in ka um hi. State tuam tuam a um hinapi ki mu hun tam a, a kum asim umkhawm hun jong um hi. A pu pa uh hitawh nanleng jong a innsung uh family life ken family pastor tuh a ka control pen mawt huai kakisah dan mai jen aw. Ann baisa ka neh in ka dei dei ang leisah un a inn sung ua thunei pen a ang pansah uh ka ngai tua leh a tate uh hagau hinkhuo vei tawh hinanleng hibang liang a a inn sung ua ang jalensah uh, vai ang saisah uh tu ka ji leh ta nei nung a ka ngai tua tua leh hite gel nupa hoi dan leh pichindan, a mi thei siam dan uh ka geldoh pan pan a ka ngaisaang ta lua uhi.
Bangjat tah a hing na it uh leh hing na theisiam uh atai ka chi hi!

5) Tampi skip in Shillong thu gen ta vai. Shillong pen ka family ban a ka it pen pen te tamna pen chi leng juau lou ding hiing. Ahin ada huai dan tu in tuabang mun hinon lou hi.
Ka tun uh kum 9 paita sung in hattuam vai a ki khenna khaa ngii ngeeei vawt ( bitter) 2 vei ka tuah kha uhi. Tua hun lai ka thupuhna lah te khu ngol huai kaki savawt hi. Gup tuam nei lou a, neutral tah a ka pan ding hinapi a hoilam adih lam chi dan in group khat lang kana bel jel hi. Ka ngol dan kilahna lian pen hiva.Tu in ka itt ka chi tampi te toh ka ki kawm non sih hi.

6) Family etkol dan jong laibu tampi kisim na pi ngol huaipipi in kana enkol hi. Pa tampi i ji te iki teen chil lai a ikep dan, i ta masa te ikep dan te jong nung et kia lei a ngol huai tampi gen ding um e.
Hitah ah hun sah vai. Ki ten tung a ji nuah taisah lou( anung lam
Sese hilou leh jong) a um leh patat huai. Iji toh ina kihau na te jong a hou thei dan maw tua i nung et leh.
Huchi dan a
Ngolna gen gen lei bei thei lou a gen ding um ding hi.

Tunia igen ut khu Apostle Paul im jong a hinkhuo paisa a a thilbol te pil kisa lou hi. Hattaum ana suhgenthei dan te pil
Kisa lou hi. Jesu dou a ana pang chi lomlom ngol kisa thou ding hi.
Moses jong Kum 80 jou in ki tuat leh ngol kisa thou ding hi. Egypt mi khat va moh tha hi. Ahilou leh tuipit na ding a Suong akhet mawh jong ngol
Kisa thou hiding in deuteronomy ah gen kia hi.

Abraham jong aji khu “ka sanggamnu “ achi dan vel, a ji thumanna a suahnu a luppi dan vel ngol kisa thou ding hi.

David diah diah Bethseba ana luppi dan leh a sepai jat asim vel jong ngol kisa ding hi.

Elizah jong Jezebel jau a tai 40 val atai khu chau kisa thou ding hi.
Jonah diah diah ngol kisa ven…

Naomi diah diah lah? Tanghou Inn taisan a pem mang ngam.
Adang tam va hunsah phot vai.

Tunia igen ut khu angol ngen ina hihi. A ngol ten angol na uh tunin jong pom ut nai lou ding uhi.
Hun paisa a igam tat dan, i ham dan, ih oversmart dan, i i thupuhna lah te, ina ngaituanate, ina ki mu dan te, khawel ina mu phah lou dan, khankhuo ina thei lou dan etc inung et chia ngol iksahna tam ding hi.
Bangjiah a hun paisa ih umdan te ngol kisa ihiai ichi leh i khangtou ta china ahi. Ha ngol a ngol ikisah leh iha khangtou ta china ahi. A kal awng a sau leh sau lou in ikhantouna level thei thei hi. Tunai a te ngol kisaa seng sih vei ajieh pen i khangtouna ki gamla( gap sau nai lou) nai lou hi. I ngolna leh i pilna kikal gap asau chiang ki zoom thei pan hi.
A kal ah kum tam pi um hi.

Ada huai chuh hunpaisa , a umdan, a hamdan, a gamtat dan, a ngaitua nate jong ngol kisa lou a, tu a jong kisa lou mite khu ahi. Tua bang mite khu Define ding hilei MISI china ahi. Misi chauh ki kheel lou hi. Ahin Piangthah lou te khi mishi ahi uhi.
Mishi te khu muat in namsie uhi.

Mi khenkhat khan dan khu hun paisa lai a a um dan te hoi, thupi leh pil kisa uhi. Hibang mi te khu Deteriorating kichi hi. Umjie khu muat lam manaw ahi uhi. hattuam jong hun paisa i ki ngah leh a kiem lam ihi hi.

Haleh bang bang igen atai?
Tahsa neh lam ah en lei ina neh angol huaipi tam hi. Hagau lam ah mimal leh inkuan leh hattuam ah enlei thil ngol huai tampi ina bol hi.
Tuate ngol ikisah thei khu ipilna ahi chi thei vai. A pillou hileh chin tuate ngol huai sa lou ding na hi.
Ahin mailam
Ipil sem leh tunia i neh leh i hagau dinmun khu mgol huai ih hing sah hun um ding hi. A um ngai ahi.
Tunia pil ikisah mama khu pilna lam a ana paimasa ten ipla huai hing sa ding uhi. Tuabang mi pilna lam a masawn jaw te kung a i nget khu “ hing na thuah ham ham un ken jong ka hing jil tou tou ding hi” chi ahi. ( himi ahi pastor LT leh Pastor nu Eli- Mawi in ana bawl uh).

Pilna lam a khangtou ding in Mangpa Hagau in ingolna te uh hing ki musah sem sem ta hen!

Topa Thupha!

Pastor DZT

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply