Website thak www.getinlamka.com leh www.jerusalemclinicdiagnostic.com hawndaw in um

Website thak www.getinlamka.com leh www.jerusalemclinicdiagnostic.com hawndaw in um

5
(1)

Ccpur | 26 July 2019 | Get In Lamka

Tuni nitaklam dak 3:30 in Le Zara Restaurant, Family lane, Bijang ah www.getinlamka.com leh www.jerusalemclinicdiagnostic.com hawndawna a um hi. Website thak getinlamka.com chu a hileh SN John, President, Zillai GHQ in hawnna a nei a, jeruslamclinicdiagnostic.com a hileh Khatkhotong Baite, President, VPC GHQ in hawnna a nei hi. Zia hun matna a chun Grace Zamnu, MDC Muallum; Thangboi Gangte, MCS SDO/CCpur; Mangminlian Vaiphei, MCS, SDO/Kangvai; VL Kapthiango Vaiphei, Dy Commandant BSF leh mi pawimaw chuam chuam in le a uap ui.

Hun matna puitu in Rosy Neihsial a pang a, Pauchungnung Vaiphei, Associate Professor in vaidawnna thugenna a mang a, S. Malsawm Vaiphei, Proprietor, Jerusalem Clinic in kipakthu genna a nei a, Upa Khaitingen in hunkhakna pauchapna a nei hi.

SN john in a genna a chun, tulai gam khangto zing ah website nei pawimaw a hidan leh website thak bawldawktu gunchuna ettawntak leh pakchat thu a gen hi. Thil thak kibawl hi gensetu, kainiamtu hilo a, tawsawttu leh pakchat dan kizil pawimaw a hidan a gen hi. Site a lawting diakna ding ah kuamasap in visit sak siausiau a, comment leh like kibawlte chun mi suthatho leh tunung ah lawtinna sangzaw hitheina ding ah pawimaw ma ma a hidan a gen hi. Khatkhotong Baite in agenna ah, website thak bawldawktu pakchat um a hidan leh gam leh nam a ding ah phachuam tak ah mat a hingei dawisakthu a gen hi.

Zia website neitu a hileh S. Malsawm Vaiphei, Proprietor Jerusalem Clinic a hia, society a ding ah thil phachuam a hikhak leh ti tupna bawl a hidan a gen hi. Website thak kihawngte hi mi siatna ding leh demna ding ah mat ding a hi pua, khangthakte lamdik hiltu a hung hi a, gam leh nam a ding bep hilo a, chanchinpha thezakna matchak pawimawtak a hiding a hi ti’n le a gen hi. Chuleh, clinic website a kipat mite’n test leh service a bawlte chu bailam zaw booking bawl thei ding uh hi’n a gen hi. Getinlamka.com a hileh Digital marketing ban ah Information service a ding ah kibawl a hia, khawvel chankang dungzui ah mihing in a pawimaw thilte le kawi hizel ding in a gen hi.

How useful was this post?

Click on a star to rate it!

Average rating 5 / 5. Vote count: 1

No votes so far! Be the first to rate this post.

Leave a Reply