You are currently viewing What is Patriot’s about | PATRIOTS’ DAY IPI TOH KOMAT HAM ?

What is Patriot’s about | PATRIOTS’ DAY IPI TOH KOMAT HAM ?

3.8
(11)

PATRIOTS’ DAY IPI TOH KOMAT HAM ?

IPI DING A PATRIOTS DAY HUNG KITI HAM ?
Kahinkho a kahetmil theilou nikho khat chu 13th August Patriits Day kiti hu khat ahi.

Asun :
N Lhungdim ,
Thangting House,
Molnom West.

13th August 2020.

1973 kum Manipur a tulai bang a Thingnoimi Valley hileh Hills hileh ahiti ummasang in Gandhi Memorial High School, Monim West a HeadMaster kahilai a ka Office kanatou pet in Meilhei kahetkhalou gollhang 3 ahung uvin chulaiya NewsMazagine LAMJING BA kiti News Mazazine so ho kahiove atiovin tukum 1973 August 13 nileh Bir Tikendrajit Park a Patriots Day a main Speaker ding a kahung tep u ahi atiovin ahi. A Topic ding chu , The importance of Anglo Manipur War 1891 and its implication in Manipur History ahi atiovin ahi.Kei Speaker ding a eihung tepnao jeh hi 1971 to 1873 chun THE HILL MONITOR English Fortnihtly khat Editor a kana pan jeh chu hinte ahilou leh ajeh ding dang kahe pon ahi.Kakiphalam lheh jeng in ahi.Ajehchu Public Speaking hi kei hithei na lou lam tah ahi,adeh a English hileh Meilhei pao hileh command kabol khat cha umlou mi kahi jeh ahi.

Manipuri Medium in Class VI chan kanasim in High School leh College English Medium a akisimvang in class room a meilhei pao themkhat kitho a kahlah lah leh English kitho a lekha anakisim ahijeh in mipi tamtah lah a thuseinading in Manipuri hileh English hileh kathep napen ana umlou beh ahi. ACADEMIC B A , MA leh BT Degree 3 kanei vang in lalhahsam ka kihet in ahi.Ahinla min guntah a eihung tepleh kada thei pon ahi. History student kahijeh in Anglo Manipur War 1891 thuchu English in Brief Notes kakisem in August 13,1973 nichun Imphal ah kachen jan khojin jou in Bir Tikendrajit Memorial Park ah kache tan ahi.

Hiche nilhah Assembly a President chu Pi Ngahkhokim Angnal , Social Worker Minthang chu ahi.

Kathusei phat ahung hichun Platform ah kading doh in kathusei chukanung gelleh Anglo Manipur War 1891 chu Manipur sung a insung kitomo jeh a British te toh Kidouna an aum a Chamlhat tah a ana umManipur gam chu British te noiya hung kium ahin , insung akitomo leh polam mi hung kikum juiahin ti hihen khonung jong leh Manipur a cheng ho kitona leh kipumkhat na aumlou leh polam minvai ahom thei ahi ti chu kasei thupi pen ahi.

Huche Patriots Day kiti hi kanajah na chu 1959 laiya Matric kasimlaiya Homeophatic Dr Manimohon Singh kitkhat chulaiya CHINGMI HOTEL ning a RAPID CURE kitiHomeo Clinic neipa chun aseiya akisah lal pi jui chu kanahen kenjong ipi ahi kanahepin ahi.

Akipat dan chu hiti ahi. Chandrakirty Singh Maharaj athi jou in a ji 4 ho akon in chapa 8 ananei in Kulachandra, Surchandra, Pakasana, leh Tikendrajit kiti ho hi mi het ahipen un ahi. Kulachandra chu leng a apan leh anoia anao te chu mopohna chomkhat akihom uvin Tikendrajit chu Sepoy lang tichu Senapati akitin ahi. Nu chom chom cha ahijeh un kilungto chetna aum thej behseh hin in Group 2 in 4 ,4 in ahung kikhen uvin asung uva kilung nopmona ana um jing in ahi. Hi tia ana umlaiyuvin British sepoy len Quinton kitikhat athu seitoh ding in ahinsol un ahi.Achomlam in kisei leh hiche ahinsolpao Quinton toh akihoulaiyuchun Britsh ho mi 4 chu akou un hetman lokah hin mipi lunghang a aum pet un mi 4 hi chu Angong anatanpeh un anathatdoh taovin ahi. Hiche thu hi Cacutta a Viceroy in ajah phat a Manipur jon a British Army Column 2 Kohima a pan leh Tamu a kipan ahin sol uva April 23 1891 chu Pallen phahmasang a lamsah lang Khongjom kiti mun a Meilhei Sepoy leh British Sepoy ki sat uva British ten Meilhei Sepoy hangsan Paona Brajabasi chu atha uva Tua Khingjom Day tia Observance kibol ahi.Imphal a hunglut uva Kangla Fort a Thangal Generaleh Gal pandoh a angoh u Bir Tikendrajit Singh chu amat doh uva tua Mapan Kangjeibung koma khu Public Hanging akhailih u ahi.Hiche ni chu August 13 ,1891 nichu Meilhei hon hetjing nading a akikhailihnamun chu Memorial Park a sem uva Pillar sangtah khat atun doh uva hiche 13 th August ni hi Patriots Day tia anit jing u chu hiche 13th August 1973 nilhah kikhop na a Chief Guest chulai tah a Chief Minister Mohommed Alimuddin ahin aman athuseina a aphondoh chu khovei 1974 a pat a August 13 hi State Holiday hi ding ahitai tia aphon doh akipat a Manipur a Public Holiday ahung kimang peh ahitan ahi.

Avel a kasei nom khat chu hiche 13th August 1973 chu keima hinkho ading a Public Exposured kaki bolna masa pen anahin ahi.Hijeh chun hiche nilho hi kahet mil theilou nikho khat ahi jing in ahi.

Tikendrajit Singh hi Meilhei hon Legendary Hero dan a asem uva Hero Worship kibol mi ahi.
Kuki ten jong Laijang Haosa Pu Tintong Ha okip chu Legendary Hero a sem doh a loupi tah Kuki Sepoy lamkai hangsan avai homna gam a ni lhum ngailou tia kithang British te toh kidouna *Anglo Kuki War 1917-1919 a Gal lamkai ana pang pa chu kumseh leh HeroWorship nikho khat nei in apha in ahi.
Churachandpur a Songpi kho geiya a Statue hoitah leh loupi tah a kitungdoh chu kahet khel ahilou leh KNO ten abol u ahi akitin ahoi in Tourist spot khat jong ahin kipa aum lheh in ahi.

Meilhei ho bang in Meilhei in kipum khat bang un Kuki ahin kioum khat leohen phalheh hoilheh ding ahin Kuki te hi Phung leh Chang ihaseibeh un Phungkhat in Phungdang khat suhnem ding ti tobang lungput leh lunggel inei nahaiu hi phat leh nikho toh kitoh lou ahitai tia hi dalhah phat ahitan ahi.

Solchah Peter in 4:12, ” Chule koima dangah Huhhingna aumpoi;ijeh in em itileh Vannoiya mihem laha i umna diuva kipea min dang him him aumpoi ,” ati ahi. Jesu Christa min tailou Sochatnading min dang amindang a umpoi atibang a Politics lam a kigop khoma sochat nading Kuki tailou kihopkhom nading mindang amin dang a umpon ahi.Thhingnoimi boljouseovin jong KUKI min pan a abol so h keiyu ahi. History a Record umsa deilou a Zomi, Khulmi tiho boipi hi phachomlou athacholna ahibou in ahi.
Mizo hon Historical Lushai a kon a Mizo History semnading a MNF party in kum 20 gal abol uva mi sang tamtah in thina atobana mi simsenlou numei chapang in hesoh genthei tintang athoh jou uva Govt of India leh World body hon a hetpeh u chu ahahdan hetding ngai ahi. Koi ham Zomi min a hesoh genthei ahinkho toh ngam aum pon ahi. National leh International a Recognition leh
Acceptance nadinga hinkho sacrifice bol ngai ahi.

Englush ten,

THERE IS NO FREE LUNCH AS SUCH atio khu ako lentah ahi.Aman beita kimu imacha aumpon ulsa kai ahilou leh lung thim lut tah a mitin in nehding akihol a malam ajotchet joh ahi.

How useful was this post?

Click on a star to rate it!

Average rating 3.8 / 5. Vote count: 11

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply