World bank group in 1 BILLION DOLLAR A INDIA PANPIH DING

World bank group in 1 BILLION DOLLAR A INDIA PANPIH DING

0
(0)

World bank group in

Mangkhuo Gangte

1(One) BILLION DOLLAR A INDIA PANPIH DING

April 2, 2020 (Thursday) ni khan World bank group in khawvel pumpi a coronavirus pandemic dona dingin gam khangto lo (developing countries) gam 25 te chuh $ 1.9 billion a panpih dingin approved abawl tau hi.

Hetding khat chuh, World bank kiti hih achuom mawng mawng a bank kisiem ahi puoi. International bank for reconstruction & development (IBRD) leh International development Association (IDA) zie bank te nih hih kigawmkhawm a World bank kiti ahi. World bank kiti achuom bîka kisiem umlo ahi. Tuchunga World bank group agencies a pang khawm te chuh, IBRD, IFC, IDA, ICSID leh MIGA te ahiu hi. Mahleh main role play chuh IBRD leh IDA ahi.

India hih population atam ziek leh coronavirus a pat kivênna dinga lockdown abawl vak zieka mipi te’n haksatna tuok tam dinga aginchâk ziek ua, tuchung a World bank in emergency fund a, $ 1.9 billion sanction abawl nalak a hih India te akimkhat sânga tamzaw $ 1 billion chang ding ahi. South Asia sunga emergency package ahawp dan uchuh ;

India = 1 billion dollars
Pakistan = 200 million dollars
Sri lanka = 128 million dollars
Afganistan = 100 million dollars
leh gam dang danga package hih ahawp sak dinguh ahi. Tuchunga package hivâng South Asian region sunga atam zaw ahawp uh ahi.

Tuchunga sum apiek uhih dit kit dinga loan system a apiek uh hipuo a, coronavirus dona ding mawng mawng a achuom lîu lieu a, gam khangto nailo ti a, panpihna (aid) dân a apiek ngawt uh ahi.

World bank group a president, David Malpass in khawvel pumpi a developing countries 65 ah operation akipan ta a, tu a emergency package kihawm hih atawpna hinailo ahi. Coronavirus zieka gam khangto lo te panpihna kipie zing nalai ding ahi ti’n agen hi.

Zie package kihawm hih laboratory capacity (test capacity) sukpun ding, testing kits leh ventilators tamtak chawkbeh na ding, isolation ward siem behna ding leh Covid- 19 thu hetbehna tawh kisai a research centre sukpun ding ngaihtuoh na zieka emergency fund hih kihawm ahihdan agenbeh hi. $ 1.9 billion hih initial funding ahi nalai a, adang le amamawh dungzui a hun hawm zel ding ahiu hi. World bank te hih ahungtung ding tha 15 (15 months) sunga 160 billion dollars sêng dinga mansa a um ahihdan agenbeh hi.

India te’n foreign funds hih lâk loh ding mahni sum a kito delh ding tih hih agel zing ahi a, mahleh coronavirus zieka gamsunga buoina ahung tam tawh kitawn a foreign fund lâk (accept) ding atih uh ahitai.

Abang hileh tuchunga fund hunglut cheng hih amatna ding dawl taka mat hung hitaleh ut aum mah mah mai hi. Nidang in bang tawbang in nêkgûk châkgûk ana um lele ahah khawk taluo puo a, tuchung hi vang lockdown tawh curfew tawh ahung kithuoh khawm lemlum leh kuomah nasêm thei leh apawt thei aum tâk loh ziekin mipi hih buoi takzet in abuoi ta a, coronavirus zieka mithi sânga kiel zieka mithi ahung tamzawk khâk ding vênna’n sum / aided fund hih amatna ding dawl takin hung kimang leh tih hih gamsung sawlkar thunei te kawma ngetna leh deihsakna thuchah i vak gen theih sun chuh ahitai.

_Stay home stay safe !

Mangkhuo Gangte

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply