YVA Compound Veng Unit in khamthei zuak man

YVA Compound Veng Unit in khamthei zuak man

0
(0)

YVA Compound Veng Unit in khamthei tawh a zuaktu man

CCpur, July 9 (Nisin Thuhiltu): Young Vaiphei Association (YVA) Compound Veng Unit in tuni, July 9, 2019 zingkal in vengsung ah khamthei vazuak khat mandawk hi. Mat ah um chu, Kaizamang (52) s/o Vaikham of Mata hi ah hiat a hia, ama apat Heroin (No. 4) chu’n 72, Syringe 5 leh a matlai Honda Activa, Registration No. MN 04B 8050 banah sum (cash) Rs. 3,500 mudaw in a um hi. Kaizamang in a kipuanna a chun, Kwakta apat No. 4 lasawn leh mobile phone ah call amu dungzui zel ah No. 4 zuak sawn/piasawn sek hi’n a gen hi. Zia chu tawh kitawn ah a pesawntu khat leh No. 4 chawsawn mi 7 le YVA Compound Veng Unit amandawk ua, No. 4 chaw ding ah chia amatdaw teu lak ah passenger pua- Diesel Auto Service ah tai, Driver khat le pangkha a hina chung ah a kisaipi District Administration ahiloleh, Diesel Auto Owners’ Association pawl a etzui ding uh a nawpthu’u YVA Compound Veng Unit lawiupa ten a gen ui.

Luaithang, President, YVA Compound Veng Unit in khamthei zuak mat ah a umna tawh kisai agenna a chun, tulai ah numei-naupang hinkhua siattheina ding khamthei kithang mama a hidan gen in, zia dodalna ding a chu YVA Compound Veng Unit in gim-leh-chawl khawk salo ah panlakna a nei zing lai ah vengsung ah khamthei No. 4 zuak leh chii’ng matdaw ah a um tawh kitawn ah khualna a nei hun ua, Royal Academy kiangtuam khamthei kipiaktuana kimang sek a hidan mudawk un a taklang hi. Zia dungzui a chu YVA Compound Veng lawiupa ten etzuina anei zing nung ua khamthei zuak sawn Kaizamang s/o Vaikham of Mata mandawk thei uh ti’n a gen hi.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

Admin: Get in lamka

Get In Lamka - Digital Marketing & Information Services, Shopping site Lamka, Churachandpur, Manipur, Shop online at getinlamka.com, Read Daily news of CCpur.

Leave a Reply