KHRISTIAN GIN UM: JESU MIN ZIAK A DET TAK A DING NGAM ZING
Keima min ziakin mi zosia muda hi’n lau; himaleh, a tawp tiang ah thuakzote chu hukhin in um in au
MARKA 13:13
Jesu nungzuite ,ama mi thiangtho hina ziak in khawvel mite, Kraws lul dan hephalo te apat in mudana, khen chuamna, musitna, demna leh nuizat sanna i tuak kha tau em? Pathian thu dik tangko pi ziak in setan apat dona i tuak kha ta em? Ei dotu, ei melma kua hem le helo a um i hi khak chun Khristian kiti mi lungsiat um ma ma hiding i hiu aw unau! Khawvel politics(and culture) chia dan a chun vang kuama zawk panpi nei chuamlo, neutrality kiti umthei him in a, hinla Pathian thu in vang zia chu a um a theipuai. Jesu a i hilo chun setan a i hi mai hi. KHAWIZAWK ahem latel ding? Khoizawk á i hiu em?
Pathian thu i awina leh i Khristian na ziakin muda na (hatred) i tuak malak sangin Kochuam sung a Khristian, Pathian thu za leh ngaikhawk te taw den leh muda pawl a pang kitam zaw mai thei ahi. Pathian thu i hetlo zia, Pathian i zalo zia uh leh Pathian thutak a i umlo danteu’ hangsan tak a tangkopi ngamte muda pawl ki um sek ahi. Khelna/ sualna thu leh Pathian thut tak pawna tak a gente haw khu mi kisathei, ki Khristian sak bik hiloleh mi awi maw hat(judgmental) dan a geel pawl kitam sek ahi. Kumtuang thîl ding hepina ziak a pawna tak a gen ahi zawu hi. Amau le Pathian thu awina ki zil, thagau lam galsat zing bukimlo ahi tho ve ui. Hinla Pathian hepina chun bukimna lam nawt zing Khristian nang leh kei gual a hiu hi.
Tulai i gam sung a hin gospel chuam (another gospel) zia chu gospel lem tang kopi KHRISTIAN lem ,amau gilpi ding, amau lawkna ding leh minthang na ding buaipi a tam ma ma ta ahi. Khawvel a minthang, Khristian lem te kiang a popular ma ma thugen thiam i tam tau hi. Zia te haw chu lawman ding uh muzo ahi tau hi! Tawt leh zuau taw Pathian thu helkoi lumlet(mix) thiam ma ma, thiampu lem haw apat kiveng phat ding ahi.
GALATIA 1:10
Ahileh, tu’hin mihing doisakna a hem ka hawl, Pathian doisakna? Ahiloleh, mihing kipaksak gua ka hem? Mihing kipaksak mai ka hi zing chun, Khrista suak hi pua’ng ka
I bawn un i Khristian nau hi ki ngaitua thak kit hitiu. La Khristian na hun tawk la kisa na em? Pathian Thu awina in la hinkhua la mang na em?
Khristian khat a ding a poimaw pen chu Pathian thu matna/awina hi ahi. Pathian thu sim peilo leh zil peilo i hi chun bang a hem i zui tak ding chu?
Biakna mun biakin a, Pathian thu lem, thutak gual a nawp nawp mawk gen i tam talua tau hi. Khristian dik tak khat chu mawl in pil ziang ta leu le Pathian thu a awi a, Pathian za tak a, a thu a zil pei chun Pathian in zilsakna diklo pialo him him ding ahi. Bible zilsakna diklo leh kal zawng a mawk ki ko ko te khu PATHIAN apat hilo ahiu hi. A ki lomna ding a Pathian thu gen ding a Thupiak hilo i hiu. Pathian thu dik tak a, a hina bang tak a dinpi leh tangko pi ding a Thupiak vek i hiu hi. We all must be faithful to the word of God. We must preach the truth. We must preach Christ Jesus faithfully! Men- pleasing sermon, carnal emotional refreshing sermons, sugar-coated gospel message preachers are not of God they are from the pit of hell! The Church’s pulpit is not for worldly motivational preaching. It is the Throne where Christ is to preach boldly and truthfully!
How John the Baptist was beheaded? Because he preached the word of God faithfully against the sin of Herod Antipas’s fornication! We are commanded by God to be faithful to Him and His word. We are not advise to dilute or sugar-coated God’s Word to please sinful men!
EZEKIEL 34:2-4
[2] Mihing, Israelte chung ah belampute dem in thu gen inla, puitute kiang ah zia gual hin vagen in: Lalpa Pathian in zia gual hin a gen hi: Katei, nanghaw Israel belampu, nangmau bep kivâk ziang tate haw! Belampute chun a belamteu a vâk ding uh hilo a hem? [3] A nawiteu la neu ah, a multeu kituam lumna’n la mang un, a thau cha cha la kithau in; himaleh, belamte chu la vâk puau hi. [4] A jawngkhalte som nuam lo in, a damlote la kaitua puau ah, a liamte la tuam puau ah, a vâkmangte la hawl khawm puau ah, a gam mangte hawl nuam lo in a chung un nunsia tak leh huham tak in vai la hawm sek ui.
2 PETER 2:1-3
[1] Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a. [2] Mi tam tak in a hûkna thilteu chu chîng intiu in, amau ziakin lam dik chu gensiat hi’n a. [3] Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi
Pathian in a thupiak te zui ding leh a thu a ginum tak a um zing ding in ei dawi ahi. Khawvel in Lalpa Jesu kha muda in ala that ui ti het zing ding ahi. Jesu kha bang ziak a zia hunlai a, gam vaihawmtute leh sakhua lam a lawi upa te kham muda a leh hua a hiu em ? A hinau dik tak, thutak a umlo ahi nau, gitlona um zing ahinau a gen ziak ahi. Setan dawigual Gitlona nasem zing a hi dan uh agen ziak ahi.
Vak ngaitua pha tiam hitiu. Khawvel mite’n Lalpa Jesu muda a, a khailup( crucified) na mun zia khawvel ahin nang muda na tuaklo la hi chun la zui leh la hukdampa chu a chuam hi ding ahi! Khawvel in Jesu a muda, ziagual ma chun Jesu gingtute chun khawvel mudana(hatred/rejection) maitua ding him ahiu hi. Himaleh Jesu’n hangsan tak a thuak zo dingin ei gen a hi. Pathian panpina zalin gim gentheina thuak zo dingte chuh KHRISTIANTE i hiu hi!
A hepi ma ma a nungzui 12 te chuleh sawlchak Paul te bawn Jesu’n ama MIN ziak a suk gentheina thuak ding in aphal chun nang leh kei le khawvel a hin JESU min ziak a suk gentheina chuam chuam thuak ding in ei phal hi ti gêldawk thak kit hitiu.
PATHIAN a mi hangsan te liangvaina leh gentheina mun zia khawvel a hin ei ten khawvel nawpsakna bep i hawl gam tau hilo maw?
Pathian thu leh a thu matna hin liangvai-haksatna thuak ngam ding in panla thak kit hitiu aw.
Pathian hepina leh a Thagau Thiangtho zal bep in zia leisiat a haksatna, thepna, suk gentheina,musit leh êng bawl nate leh adang dang haw chu Hukdam chate chun zo to zel ding a hiu hi. Nang le ken le zo zel ding i hiu hi.Khrista Jesu nei dik tak i hiu chun! . Bangt’in em i ti chun ZOTU Jesu zal’in. JESU’N Zona ei pia tozel ding a hi ziakin! HALLELUIYAH AMEN
1 KORINTH 15:58
Ziaziakchun, ka doitakte haw, suklîng zaw lo ding ah det tak in um unla, Lalpa nasepna chun theitawp sua zing un; la sepgimnau chu Lalpa ah chun a thawn puai, ti la he ngal un
PHILIPPI 1:6
Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi
Van Pathian in ama thutak ei hetchian sak henla, zia THUTAK (truth) ngei chu tudet a, hinpi ngam dingin i bawn chau in ei Panpi in ei malzawl chiat tahen aw. JESU MIN in AMEN
Bible sim dingte sim hitiu aw👇👇
1 Korin 9:24-24
Sam 119:11
Mat 10:22
Hebr 10:24-25
Phili 2:12-13. Phi 1:6
2 Timo 4:7-8
Hebr 12:1-3
John 15:18-20
Nasep 5:41
Jacob/James 1:12
Rev/Thupuan 2:10
Rom 8:17-18
1Petr 1:6-7
Jeremiah 23:16-17
Titus 1:10-11
John 12:43
@GL Muana Neitham
☦️KHRISTA LALPE’N SEPAITE ☦️
