โ๏ธ Sanchong Mangkholen Haokip
(๐น๐๐๐๐๐ถ๐๐ธ๐ ๐ฒ๐๐พ๐๐๐)
India sung State jousea internet services hi Ministry of Telecommunication, Government of India mopohna vetsuina noija umcheh ahi. Hijongleh, gamkai boidungjuija chomkhat kikhah, chomkhat jouleh kihongkit, kitihohi Government plan a umthei thou ahinai. Ahinlah, Manipur sunga internet services lha-tamtah ahungkikha hi daan kalval ahitai.
N. Biren hi internet service operator ahi. Amahin boltheidang aneipon, internet operator dinga fit tah ahi. Amahi CM ahivanga, ahinkhomandan hi CM ding mi ahipoi. Network tower ho vesuiding leh mobile data operator dingmi hidingjoh ahi. Mihem in boltheina talent jatchomcheh kinei ahi. Aman aboltheipen internet operator post kitusahlouva, CM post joh kipe kitihi Manipur mipite bolkhel lenpen khat ahikhatai.
Nuijat umtah khatchu ahileh, Manipur sunga broadband internet (Wi-Fi service connection) insontinna umthei ngalla, mobile data internet akikhah kitne. Tehse hon “tanglune, tangkong-ngol” atiu tobangbepseo ahibouve. Internet umhenlang umhihjongleh chamna jong umchomtaponte. Meilhei toh kiguijopmatkitna ding kum-le-lha tampi lutding ahitai. Madam Thounaojam Brinda in amihinau jouse aphonjal ahitai. Thi sanga hin phajo ahiphatna athuseisa anunglahdohlou khohkit ahitai. Hijongleh, Internet Operator N. Biren Singh leh asejuite Arambai Tengol & Meitei Leepun ho gitlou-engsetna thusim vannoijin ahetdohlo tai.
Tun, Senapati district sunga Naga hon internet kikha jeh in, economic blockade ahinpantauve. Naga ho natoh ahijeh in, hunglolhing khat nante. India sunga boina tamnapen Jamu & Kashmir jenga jong koiman asaopenna lhakhat kalval internet akha jilou ahi. State dangdanga jong two-weeks kalval kikhah jilou ahi. Manipur sunga internet kikha hi saoval ahitai. Operator pu hin vannoi ahinkiphindohvah dingin aumtai
Tulaija vannoi khantoudungjuija internet beija imacha hitheilou ahitai. Operator N. Biren in anopleh akha, anopleh ahonkit hi nuijat umtah ahi. Nuijat umtahkit khatchu ahileh, Meilhei ho komma “Kuki ten Th. Brinda kilah uvingting, nanghon Lamjathang kilahtauvin” kitikhatjong akisimdohkitne. Aumdanchu eihon akihetlouvanga BJP hon N.Biren hi Internet Operator panmun apeh uva, chuleh Lamjathang kitipa chu Assistant Operator anakikha dan ahi. Mihem ama mihinaloubeh khat panmun kipe kiti hi vangset umtah ahi.
Meilhei hon gelthei uhenlang, Biren hi CM chair akonnin kailhao henlang, amaboltheipen Mobile internet data operator post joh pethei uleh, Manipur sunga chamna umtheipen dingin kagelle
