PATHIAN IN A HEPINA THALÎM NUAI A EI AWPKHUM ZING NA DIAM?
-K L Muana Khaute
Pathian in a thil siam zosia te hi a lungsiat in a ngaina, a lungsiat in hunsin in a enkawl ah, haksat na zosian a enkawl in a chawm a, a panpi zing hi, a hinla mihiam te hin ama dawi gual a bawl lo phat leh na asa ngawi ngawi hi, bang gual in thunung lo himaleu a hepina chu a dai ngai him him puai. Ei hepina hi gel dawk ah, a ma dawi dan2 a hinkhua itaksa i ngaitua leh ama lung lam hawl ding in ei ngak zing a hi, ziaziak a chun ihin-nau hi ama a ding kilan-in kisu-thiangtho chiat ding in ei ngak in ei dawi a hi.
Khawvel a thilsiam te’n a ma dawi dan ah, ki le kit ah, a malzawl na dawng dingle van khawnuam ah lawi chiat ding in nisin in ei gak ham ham a hi, zia hepi na hun tiam sunga chun, a ma kiang ah, ki le kit ding in ei ngak zing a hi, achuti lo chun hun tiam a bei nunga kisik in kap leh hin le, gawtmun leh khawvel a mite suak leh sal a um ding ihi. Israel te’n Pathian thu a ki hei mansan phat uale, sâ le leh gal a um sak sek a hi kha. Tichun Lalpa’n a sual na teu a sim phat uale, namlopi a siam in, malzawna’n a zang vuk sek a hi. Ei leh igitlo na sim leu hin khawvel nam lopi tak a eisiam ding a hi.
Tuhin sa leh gal lak in ei veng ah, namlian zaw leh a Govt enkawl te nasan in ei do maleu, khrista suangpi det tak gual in, nam tawmcha himale hing, Govt. tiang in le buai na ah, gual zaw na ding kawng tampi a gualgal maleu, a law ting diak lo a hiu, himale Pathian thil hi thei na, ziak in alaw ngai na ahi he zolo a hiu, chung nung pen Pathian in ei piak na gam hi, kembit ding in, mimal tin Lalpa’n kikawl sak in, pan la chiat hitiu, I haksat na zosia hi a ma chung in nga chiat in, ama lunglam hawl chiat leu hin, zogam-ipu leh pa teu gamtiam chu tung ngei ding ihiu.
Tuhin Pathian cha i hi ziak in zektan lo ten, a law ngai na ahe puau ah, a chuau tha zo tau, melma te do gual ihi pua Lalpa zal a hi. Sâ leh galnei ihi ziak un, a thasia leh chapa tai mang sum leh pai dawi ziak leh thunei min than na Lunggul na te haisan in Inpi ah, a hung ki lawi hun a hi tai, chun mani ki tuaklo na, hiatmil theilo gual a ngaidam na chiapi utlo ah kiphuba lak na te, nusia in , eima Inpi hung lut kit leu inam leh dam in tin, siamtu le ki pak in zogam zallenna chu mu ngei ding ihiu, gam leh nam hi Pathian ah, ahin a sunga lut te chu chapa tai mang gual in lopi tak in, lawm lut ding a hiu, gan Thisan sua in, mipi te tawh chawi hawi khawm ding a hiu.
Mimal thasiatna a hem? chanvo ziak leh thu nei ding nawp ziak leh sana dangka te ziak ah, nampi zam san te chu, khangto in kilang ma leu, sawt dai diak lo ding a hi. thangtawm na um zing ziang in, Insung nusia a In muanchuam bel te chu, Pathian mitmu ah a le, kidak um tak hi ngei ding a hi. Chun tigual mite chu i nampi puksiatna leh, i nam manthaina bep a hi, a hilo ngal leh mi suak le nawdawk namte, hung hi ding a hi ziak in, Inpi huanga luta te chu zogam paklun sak kit ding in, mizosia i chial a hi, ki kingaidamna leh pankhawm na lo a chun seol lampi kumtuang a manthai na lampi hung hi ding a hi.
