ZO-SUAN TE LEH PU-ZUKHAWL LULNA
Malai a ipu le pa te hin manlam khankhua di hi tulai ei te sang in ala mulawk leh musau mah mah zaw dan in ka ngaitua hi abik tak in,suan leh pak ki hetjui na ding in man leh mual khat thu a khum zaw a phal lo dan teu,upa Sating piak,pupa leh lamsak a dang leh PU- ZUKHAWL ala ngai khawk uhleh ala ngai pawimaw ma mau nau hin gennawp leh etsaknawp- tup ( mulawk ) ala nei uh hi ahi
Zia gual a pu te ngainat etsak na pu ZUKHAWL a bawl na matchak chu Zu- Bel dawp a pi leh pu te zu leh sa dawn leh nekhawm a ki ngainatnau leh a guizawp na khanggui a genkhawm un,sa leh gal lak in le aki panpiu hat ni zawn nin le a ki hetua jing Khan tamtak a ki guizawpnau a namkip sek ui.Pu hat leh hausa te chu sial leh gan athat ua malzawlna a pe sek ui
Khang ahung kisan dung jju leh sakhua biak na lam ahung kisan dungjui in,pu zu khaal kha ‘ pu te ve ( Thingpi leh bawngnawi) tawh ki ve tuahna ahung hi tan,pu te nekpi thei leh dawnpi thei te tawh malzawl na atu te a dawt piak sek ui.zia pu te zu khawl hi chindan phatak leh ngaichat um tak ahi zia hin pute khanggui sau tak ahiau à,jia gual bawk achun tu te chanchin leh dinmun saupi a he jui ui. Tulai dan in gen ta leu hin politics guu sau tak chiapi thei hi in alang hi.zia pi leh pu ki ngainatna hi Igam kilungsiat na ,kuadang ihi lou dan ei jiltil ban in lemna leh muan na leh khantouna I gam in a pian law ahi
Tu leh cha,pi leh pu ki ngaina hi nidang lai a Lian ma ma a Be leh phung ki ngatna sang a Lian leh ngainat umzaw a bang hial hi.Etsana din Ei be leh phung gyi sui sang in pi leh pu te phunggui hi aki hesau zaw nuam in ngainat le a law zaw phial in ka hiai.khen khat ten pute phung gyi apat pian pu leh pate phung gui a le sut dawk nuam zaw phial in ka he
Ahinla,ale lam tak in,numei hin insung leh khawtang adiak go lua thu,phuthu sutna hi numei min hi ki ngainep bep lo phungthu sut na le ki pan sak ngailo ahiu ahinla,suan leh pak tu leh cha lak ale bang ma logual khawp a ngai ahi jing lai ua PU- Zukhawl na dinga hin numei pawimawna ahung ki lang a,I khawtang leh mihiam pianna phunggui ahin le numei umlo a chun pu um thei lou ahi jiak in I insung kisuina lehchanvo hi le posal tawh kibang a dawp San hi thil pawimaw tak ahi
