JESU A UM ZING
JOHAN 15:4
Nangmau ah ka um zing gual hin, keima a um zing un. Bâk chu a guipi tawh a kizop lo leh, ama ngawn ah a ga theilo gual hin, nangmaule keima ah la um zing lo ua leh ga thei pua’n lau
John 15:4 LSB
Abide in Me, and I in you. As the branch cannot bear fruit from itself unless it abides in the vine, so neither can you unless you abide in Me
Jesu a um zing [abide in Jesus/ Remain in Jesus] um zia chomcha vak zil khawm hitiu.
UM ZING ti umzia chu bangkim le bangtik hun a le ki guizawp[constant relationship/connection] zing tina ahi. Hun chomcha sung a ding a ki thua [ temporary/momentary relationship] genna hilo ahi. A hun le a mun zil a ki ngaina le ki thua hilo in kumtuang dai ta ding a ki ngainatna, ki poimaw na leh ki laigui zawp genna ahi.
JESU’N ama a UM ZING ding ah a gente (chial te) hi ama gingtute a hiu hi. Ginglote genna ahi puai. Jesu ging ziang bep in gingtu hina a hun tawk lo zia a genna ahi. Jesu gingtute chun ni sin le hun sin a Jesu ah a um zing ding uh tina ahi.
JESU’N gingtute zosia(nang le kei);
a. Ama taw kituak tak a um khawm zing ding in ei chial hi [ United with Jesus]
b. Thagaulam hinna ahi ziak in ama a kinga [depend] zing ding in ei chial hi.
c.Bangkim ama zilsakna nuai a hing leh khawsa ding in ei gen hi.Bible bep a hin Jesu zilsakna bukim a um ahi. Gingtute a ding a zilsakna bukim (inerrant &infallible) chu Pathian Thu hing ahin a um tai. Bible paw lam a kilakna thak (new revelations) leh Thagau thilte hawllo ding ahi. Jesu gingtute bawl ding hilo ahi. Bang ziakin em i ti chun Bible hi hun tawk saklona ahi ziak in!
4.Ga sua KHRISTIAN hina ding in JESU A um zing a poimaw hi.
Pathian thu awina i um zing lo chun bangkim a ga sualo ding i hiu hi.
5.Pathian Thu awina chu Jesu a UM ZING tina ahi. Pathian Thu chu sim thei a i nei uh Bible hi ahi. Pathian Gingtu KHRISTIAN te a ding a zilsakna bukim chatuan hinna bu leh zia i leisiak hinkhua ‘u matna lampi dik ei kawk mu tu ding chu PATHIAN THU HING hi ahi. Pathian thu apat i zam mang chun lamkhial/chia khial ding i hiu hi. Pathian Thu matna apat i taimang chun JESU a um zing talo tina ahi. Zia gual ma chun Bible zilsakna i limsak lo chun JESU A um (zing) talo tina ahi! Pathian a ki tulut ti umzia chu Bible zilsakna nuai a um, Pathian thu awi (Obedience) tina ahi.
6.JESU a UM ZING ei te a ding a poimaw em?
Poimaw talua e!
Hinna ei petu Chu PATHIAN ahi’n ama a i umlo chun i hinnau’ a ding a lauthawng um ding ahi. Jesu a umlo te chu mithi, thagaulam thi ahiu hi. A thi i hi em? A hing i hi nai maw? Pathian in ei hepi ziakin en le i hepi thuk ding u ahi. Hepina ziakin Pathian thumatna chu puak gik ei ta puai. Pathian thu, ei zilsakna leh a thupiak te zui zo zing ding in Pathian panpina i dawn, i dawn zing ding ahi. Haksat hun hihenla nawpsak hun in le Pathian thu nuai a i ki tulut zing ding ahi. Pauchap zing pum in Pathian Thu sim in, zil in chuleh zui ding in pan i la chiat zing ding uh ahi. Jesu lam ei naisak thei ding lawi leh pai taw i ki thua guat zing ding ahi. Pathian ei gam lat thei ding khawvel thilte apat kiven phat ding ahi. Jesu lam hung gamlat sak tu la khoi zing, la et zing, la dawn leh nek zing, la chep leh muam zing te chuleh la sep zingte haw kha haisan hun hita lo ahem unau?. Tuni hin nutsia ding nei tei ding lahi. Bang pen ei diam la nutsia ding chu?
Bible sim ding;
Johan/ John 15
1 John 4:13
Hebrews 10:24-25
John 6:15
1John 2:6,27
1john 3:24
Colossians 2:6-7
Sam 1:2-3
Rom 11:17-18
2 Timo 3:16-17
Mat 4:4
1JOHN 4:19
1John 5:3
Aw Lalpa Pathian Nang a UM ZING thei dingin ei Panpi in Jesu min in AMEN
