đź‘‘GOSPEL KIPA NA THUPHAđź‘‘
Day of Christ:The 2nd,December,2023(Saturday)
Sermon :_’CHRISTA A JALENNA’_
Asei/Asun:Gl.Khaiginlen@Gin Baite✍️✍️✍️.
Bible Mark:Galatia 5:1, 16&17.
Ephesus:5:1.
Amasan phat mantam tah te ho eipea,Damna hinkho a ei pui le jing,Pathen thuhhing teho avel a sunjom/Seijom kit ta ding a phatpha eipea Pa Pathen ka Thangvah masa e.
Chukit leh Christa a ngaidam kachan khom pi Ka Sopi nang ho cheng jong Ka Article sut ana sim jinga,Ana ngah jing holeh Aban a sunjom kit dia eina tiem ho chung ah jong kipa thu kahin phonge.
Amasan,CHRISTA A JALENNA, kiti thucheng hi mitam tah ding a ijahkhah masat pen ujong himeithei intin,abang khat ding a chu ijahsau jong hung hi meithei tante.Hinlah keia koun a kahin seidoh nom pen chu,Tunikho phat toh kitoh a Pathen kouna Awgin jana sa sa jalou kisa ho, hena sa sa ahe lou kisa ho,Thutan nikho leh ada diu dan kahin sei nom joh ahi.
Achunga Bible thumun khun adoi thupi pen khu, JALENNA(freedom) kiti aha kotuh chah jenge ti imusoh uve.Ipi ham jallena kiti? ,jalenna kiti khu itobang ham?Itobang miho khu jalenna anei e kiti ham? Chuleh Itih phat leh jalenna anei e, Anei poi kiti jiah ham?
Tunikho a hi ivet khom soh keidiu kadei sah pen in ahe.
Thulhun lui lang/Danthu khang(Old Testament) chu gah ve jep kit leuhen,Adang jong tampi sei thei dim nante,Ahin abeipen a sei ding in,KITHOI-NA kiti hi gah vekhom ute.
Gan thisan a kithoi nahin thil tamtah asel mang jeng thei vang in,Chuche khang lai chun Mihem chitin,namtin in Kibah lou na jat chom chen,inchen, Louchen hihen,kineh holna hileh jatchom cheh a kibah louna ana um jing ahi.
Ganthisan a kithoi na teilou koima ki ngaidam chan um talou, Akhuti leh Gancha vul joulou,Sum leh nei leh gou nei lou te dia chu thil hahsa ma ma jeng jatchom chom um doh ahi tai.Chuti ahi jeh chun Ganthisan a kithoi na khang jeng chu Danthu nit jou lou, juijou lou adim a dim jeng ahi tai.Chuche phatlai chu agah ngaito a ahi leh eikhang in jong toh pha leh hahsa kisa ma ma jeng ding ahi ti chu muthei ahi.
Ahileh tuhin Tukhang,Lhatdoh chate khang hi gah ve khom kit leuhen iti nop a nom hitam.Pathen in Acha Pa changkhat seh seh a anei, a-itt tah, AchaPa deitah Jesu chu Danthu jouse Subulhit ding a ahinsol phat chun,Koipa hamkhat Alampi 20KM(Kilometre) agamla chu 0.00000 KM tobang hi ahi tai.
Pathen Chapa changkhat seh seh Jesu Christan Lugu mun kiti na chan Thingmong leh vum geija hahsat chungnung,gimna chungnung aga thoh chu koi ding jeh a na ngaito khah ta em,Ipi jeh mong mong ding a na ngaito khah ta em? tihi eima leh eima kikhol phat ahi tai.Tuhi imut phat ahi tapoi,Imutphat chu kichai a khovah ahi tai, Hijeh achu Khovah chate bang a ichon diu dol hita lou ham Sopite ho,Achung kisun Bible chang mun jouse khun Soh hina akoun Lhatdoh na, Sochat na,Jalenna jeng jeng asei in ahi.
Akhuti leh,Tunikho hin gah nung vet kit in, gah ki nung ngaito kit tiem in,Na Chonna lui chu Christa toh Jalen khom nahi hinam,Christa dung son a lamjot jing Minu, Mipa, Nungah, Gollhang chu nahi jou ah hinam tihi vel vet kit ngai ma ma jeng ahi tai.
Ole Christa toh kilhon khom lou nang ma Tahsa hina a Jalen na na hikhah ah hitam?
Christa Jesu pang lou a na Jalen khah ah ahi leh Jalenna dih tah nahi lou ding in,Satan leh Asot tol le te ho gotmun jouna ache jing, akitol jing u chu anung jui khat nana hikhah meithei ahi. Hichh ahi Christa Jesun apohnat pen leh a dipdampi chu ahi.
Tunikho jeng in jong kigel lhah na ding, kigelphat kit na ding nikho akilem chang jing nalaiye,Christa dungsoun a kithah pat doh na ding ah phat ageisang hih laiyin,Nisa jong alhum hih laiye,Lha jong a mit hih laiye.
Christa in ei hung gimpi lona jeh pen Suhbulhit lou a Lhandoh lah a gajao jou ding vang tahsan na neocha jong um lou ahi.Akhuti leh iti nang leh kei beicha a Christa ijui jou ding ham,
Lasiem pan,_Ka Chross kiput a setgal satan hatna leiseit kano jing laiyin,Aww he eidou ding tam nan te hijong leh Christa nung sunthei kahi tapoi_ atima bang in nikho loupi hung lhun a Lallukhuh loupi isan dingu kinem in, Chross thingpel kiput ham ham in Pathen na tong jing ute,Chuti hen lang hileh Jesu jong lunglhai intin,Pa Pathen in jong ei ngainat ma ma jeng diu ahi.
Pathen in Athutheng iki houlim nau,ibon cha chung cheh a diu vin phatthei ei chan jom jing tauhen.Phatta keicha simlha a, ngailha hoa ding in Lhagao lam leh tahsa lam ani gel a kal sang ise be cheh diu katahsan e.
KAKIPAH EEE🙏🙏🙏.
