VENGTE I HEPI NA EM?
Ka vengte chu bang gual a bawl ding kahem? Bawl phat ding maw ahiloleh bawl siat a,amau siatna ding leh amau dawilo gual bawl ding? Hepi ding maw ahiloleh huat ding?
Vengte tawh kikal, ki zawpmat dan, ki chanau dan haw hi Khristian te ading in ngainep guallo, poimaw mama ahi
Vengte iti phat leh chenna inn kiang te, insak, inthang, inmai, intom leh khawsakna kawng a nek leh chak hawlna mun ah iki nai pi mama te tina ahi. I kim leh kiang ah te chu i vengte ahi mai hi.
A zaw ah zia hi ahi: ‘Nangma la kihepi gual in la vêngte le la hepi ding ahi,’ ti hi. Ziate sâng ah thupiak thupi zaw him him a um puai,” ti’n a dawnhu a
MARKA 12:31
Zia Bible chang hi pâkna la ei pua, ki ziltilna ahiloleh lekhathawt le ei diak puai. Etsakna, tekhinthu ahiloleh tuanthu kigen le ahi diak puai. Zia Bible chang hi Pathian, Jesu Khrista kammal, ama ngei ngei in agen, a THUPIAK chu ahi. Jesun’ ama Gingtute zui ding ah a THUPIAK chu ahi. Jesu Gingtute chu Khristian te ahiu a, zia Khristiante lak a chun i pangkha em? I pangkhak ahichun ei zui ding leh ei bawl ding ah JESU’N ei thupiak tina ahimai hi.
Tuni hin VENGTE, KHRISTIAN khat hingal ah, hepilo, lungsiatlo, khawtua ah sawm dawllo bep hilo in amau ading apha lam bawl a tawsot leh thilpha sep sang in VENGTE gensiat, hosiat leh VENGTE siatna ding bawl bawl leh amau siatna ding ngaitua a hinkhua mang zing nalai ihi em unau?
Ki ngaitua phai tiu.
I chenna inn kim leh veng sung a genthei leh chaga te simmaw leh amau thasiat sak ihi khak ding lau um mama ahi Khuachaga ahiloleh khua mipite ading dawl khawvel vaihawmte apat panpina hung te nek zawsak leh lakpiak mi lau um mama Christian,gawl hat leh mipap techu Lalpa Pathian kipakna hilo ahi.
Himaleh, Samuel kiang ah Lalpa ‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa ‘n vang lunggil lam a en sek hi,” a tia
1 SAMUEL 16:7
Kam hat, kamthiam, nei leh go,be leh phung in vang Miten en intin uh HINLA PATHIAN in vang SUNGGIL lam a en hi ti hezing hitiu aw KHRISTIAN TE 🛐🛐
Nang un lei hepiu leh ka thupiakte jawm in lau
JOHAN 14:15
Tuni hin Jesu nungzuitu, Khrista ading a Kochuam ihi khak chun LAPA JESU ei zilsakna te, ei THUPIAKTE ngaikhawk in Zui Pat gua tai tiu aw…Pathian iki hetlosaknate, iki lepsan nate SUAL thupha chawi in LALPA lam pan hitiu e🛐🛐
Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in
JEREMIAH 7:23
SIMTUTE ZOSIA Lalpa PATHIAN in ama lopina dingin mitvakna, pilna, hetthiamna leh THUMATNA ei pe chiat tahen aw .JESU MIN IN AMEN🛐🛐🛐🛐
@GL Muana Neitham
🛐KHRISTA LALPE’N SEPAI 🛐
